பீகார் தலை நகர் பாட்னாவில் நிகழ்த்தபட்ட குண்டு வெடிப்பில் பலியானவர்களின் குடும்பத்தினரையும் படுகாய மடைந்தோரையும் நேரில்சந்தித்து ஆறுதல் கூறுவதற்காக குஜராத் முதல்வரும் பாஜக வின் பிரதமர் வேட்பாளருமான நரேந்திரமோடி வரும் சனிக்கிழமை மீண்டும் செல்லகிறார்.

கடந்த ஞாயிறன்று பாட்னாவில் மோடி கலந்துகொண்ட பொதுக்கூட்டத்தில் தொடர்ச்சியாக குண்டுகள்வெடித்ததில் 6 பேர் பலியாகினர். 100பேர் படுகாய மடைந்தனர். இந்நிலையில் பாட்னாவில் செய்தியாளர்களிடம் பேசிய பாஜக மூத்த தலைவரும் முன்னாள் துணை முதல்வருமான சுஷில் குமார் மோடி, நரேந்திரமோடி கலந்து கொண்ட பாட்னா பொதுக்கூட்ட குண்டு வெடிப்பில் உயிரிழந்தோர் மற்றும் படுகாயமடைந்தோர் பாஜ கட்சியினர். இதனால் பலியானோர் குடும்பத்தினருக்கும் படுகாயம் அடைந்தோருக்கும் ஆறுதல்தெரிவிக்க வரவேண்டும் என்று மோடியிடம் கேட்டுக்கொண்டோம். அவரும் வரும் சனி கிழமையன்று பாட்னாவுக்கு மீண்டும்வருவதாக உறுதியளித்திருக்கிறார்.

வெவ்வேறு மாவட்டங்களின் 6 கிராமங்களுக்குசென்று பலியானோர் குடும்பத்தினரை மோடி சந்திக்கஉள்ளார் . இந்த 6 கிராமங்களுக்கும் ஹெலிகாப்டர்மூலம் மோடி செல்கிறார். அத்துடன் பாட்னா மருத்துவக்கல்லூரி மருத்துவமனையில் அனுமதிக்கப்பட்டிருக்கும் குண்டு வெடிப்பில் படுகாயமடைந்தோரையும் மோடி நேரில்சந்தித்து ஆறுதல் கூறுகிறார் என்றார்.

Leave a Reply