பாலியல் குற்றச் சாட்டிற்குள்ளான தெகல்கா ஆசிரியர் தருண்தேஜ்பாலை காப்பாற்ற காங்கிரஸ் கட்சி முயற்சிப்பதாக, மாநிலங்களவை எதிர்கட்சித் தலைவர் அருண் ஜேட்லி குற்றம் சுமத்தியுள்ளார்.

இது குறித்து இணைய தளத்தில் கருத்து தெரிவித்துள்ள அருண் ஜேட்லி, இது வெளிப்படையான பாலியல் புகார். தேஜ்பாலை காப்பாற்ற காங்கிரஸ்கட்சி முயற்சி செய்கிறது . தேஜ்பாலை கைதுசெய்து அவர் மீது நடவடிக்கை எடுக்க வேண்டும். தருண்தேஜ்பால் நேர்மையான பத்திரிக்கை ஆசிரியர் இல்லையென்று முன்னாள் எம்பி ஜெயாஜேட்லி கூறியுள்ளார். அதனால் இந்தபுகாரை பற்றி தாம் ஆச்சரியப்படவில்லை , ரகசிய புலனாய்விற்காக அவர் விலைமாதரையே பயன் படுத்தி வந்தார் என்றும் குற்றம்சாட்டியுள்ளார்.

தேஜ்பால் மீதான புகார்குறித்து தெகல்கா குழு விசாரணை நடத்திவருவதாக நிர்வாக ஆசிரியர் ஷோமா சௌத்ரி கூறியுள்ளார். அந்தப்பெண் பத்திரிக்கையாளர் கேட்டுக்கொண்டபடி ஆசிரியர் மன்னிப்புகோரி, பதவி விலகியுள்ளதாகவும் அவர்தெரிவித்தார். சம்பந்தப்பட்ட பெண் பத்திரிகையாளருக்கு நீதிகிடைக்க வேண்டும் என்பதே தமது முக்கிய நோக்கம் ஆகும் என்றும் அவர் கூறினார்.

Leave a Reply