டில்லி சட்ட சபை தேர்தலில், பாஜக., பெரும்பான்மை பெறவில்லை. எனவே , ஆட்சியமைக்க உரிமை கோரமாட்டேன்,” என்று அம்மாநில பா.ஜ.க.,வின் முதல்வர் வேட்பாளர், ஹர்ஷ்வர்த்தன் கூறியுள்ளார்.

இது குறித்து மேலும் அவர் கூறியதாவது ; டில்லி தேர்தலில், ஆட்சி அமைக்கும் அளவுக்கு, பாஜக.,வுக்கு பெரும்பான்மை கிடைக்கவில்லை. அதனால், ஆட்சிஅமைக்க அழைக்கும்படி, நான் உரிமைகோர முடியாது. என்ன நிகழப்போகிறது என்பது தெரியவில்லை. “முதல்வரானால், வெளிப்படையான நிர்வாகத்தை அளிப்பேன்’ என்று மக்களுக்கு உறுதி அளித்தேன். அந்த உறுதி மொழியை காப்பாற்றமுடியாத, உதவியற்ற நிலையில் உள்ளேன். எம்எல்ஏ.,க்களை விலைக்குவாங்கும், குதிரைப்பேரத்தில் ஈடுபடுவதற்குப் பதிலாக, எதிர்க் கட்சி வரிசையில் அமரவே விரும்புகிறேன்.

தற்போதைய நிலையில், ஓட்டளித்த மக்களுக்கு நான் நன்றிதெரிவித்து கொண்டிருக்கிறேன். எதிர்க் கட்சி வரிசையில் அமர்ந்து, மக்களுக்கு என்னசெய்ய முடியும் என்பது பற்றியும் சி”ந்திக்கிறேன். வேறு எதைப்பற்றியும் நான் சிந்திக்க முடியாது. அரவிந்த் கெஜ்ரிவாலின் ஏழை மக்கள்கட்சியை, நான் குறைவாக மதிப்பிட்டுவிட்டேன். தேர்தலில் அதிக இடங்களைப் பிடித்த, கெஜ்ரிவாலுக்கு என் வாழ்த்துக்கள். இவ்வாறு ஹர்ஷ்வர்த்தன் கூறினார்

Leave a Reply