ஒரு சில நாட்களுக்குள், பாஜக., கூட்டணி முடிவாகிவிடும். பாஜக.,வுடன் கூட்டணி வைப்பவர்களுக்குத்தான் லாபம். யாருடைய தோளிலும் ஏறி பயணம்செய்யும் நிலையில் நாங்கள் இல்லை,'' என்று தமிழக பாஜக., தலைவர், பொன்.ராதாகிருஷ்ணன் பேசினார்.

காஞ்சிபுரம் மாவட்ட, பாஜக., செயற்குழுக் கூட்டம், மாவட்ட தலைவர் பல ராமன் தலைமையில், நடந்தது. கூட்டத்தில், பொன்.ராதாகிருஷ்ணன் பேசியதாவது: கூட்டணி வைப்பவர்களுக்கு தான் லாபம் தமிழகத்தில், 39 லோக்சபா தொகுதிகளிலும், பாஜக., பிரதமர் வேட்பாளர், நரேந்திரமோடியே போட்டியிடுகிறார் என்ற சிந்தனையுடன், கட்சியினர் உழைக்கவேண்டும். பாஜக.,வுடன் கூட்டணி வைப்பவர்களுக்கு லாபம்.

யாருடைய தோளிலும் ஏறி பயணம்செய்யும் நிலையில் நாங்கள் இல்லை. அனைவருடனும் கைகோர்த்து பயணம்செய்ய விரும்புகிறோம். கூட்டணி சம்பந்தமாக, தேமுதிக., – பாமக., வுடன் பேசி வருகிறோம். கூட்டணி பேச்சுக்கு, ஒருமுற்றுப்புள்ளி வைக்கவே, டில்லி சென்றோம். ஒருசில நாட்களுக்குள், கூட்டணி முடிவாகிவிடும்.

தொண்டர்கள் ஒவ்வொரு பகுதியிலும், சுற்றுப்பயணம் செய்து, ஓட்டுகளை சேகரிக்கவேண்டும்.வேறு சந்தர்ப்பம் கிடைக்குமா? தொண்டர்களிடையே கருத்துவேறுபாடு இருக்கலாம். அதை ஓரம் கட்டிவிட்டு, ஒருமித்த சிந்தனையுடன் உழைத்து, வெற்றிபெற பாடுபடவேண்டும். பாஜக.,வுக்கு, இந்த சந்தர்ப்பத்தை விட்டால், வேறுசந்தர்ப்பம் கிடைக்குமா என்று தெரியவில்லை. அதனால், தொண்டர்கள் களப் பணியாற்றி வெற்றிபெற பாடுபடவேண்டும். என்று பொன். ராதாகிருஷ்ணன் பேசினார்.
தி.மு.க.,வைச் சேர்ந்த, 100 பேர், அக்கட்சியில் இருந்து விலகி, பா.ஜ.,வில் இணைந்தனர்.

Leave a Reply