காங்கிரஸ் வெற்றி பெறும் என்று ராகுல் கூறுவது ஓட்டை பலூனில் காற்றை நிரப்புவதற்கு சமம் என்று சிவசேனா கட்சி தலைவர் உத்தவ் தாக்கரே கருத்து தெரிவித்துள்ளார்.

வரும் மக்களவை தேர்தலில் காங்கிரஸ் 200 தொகுதிகள் வரை கைப்பற்றும் என்று கடந்த சிலநாட்களுக்கு முன்னர் அக்கட்சியின் துணைத் தலைவர் ராகுல்காந்தி நம்பிக்கை தெரிவித்திருந்தார். இதனை விமர்சித்து சிவசேனா கட்சித்தலைவர் உத்தவ் தாக்கரே தனது கட்சிப் பத்தரிக்கையான சாம்னாவில் தலையங்கம் எழுதியுள்ளார்.

”நாடெங்கும் காங்கிரசுக்கு எதிரான அலைவீசுகிறது. மக்கள் அனைவரும் காங்கிரஸ் கட்சியை விரும்பவில்லை. இந்நிலையில் ராகுல்காந்தி இவ்வாறு கூறியிருப்பது மிகப் பெரிய அதிர்ச்சியளிக்கிறது. இது அவரின் தாயார் சோனியாகாந்திக்கும் அதிர்ச்சி அளித்திருக்கும்.

காங்கிரஸ் வெற்றி பெறும் என்று ராகுல்கூறுவது ஓட்டை பலூனில் காற்றை நிரப்புவதற்குசமம். மாறாக நரேந்திரமோடி தலைமையின் கீழ் பாஜக கூட்டணியானது 275 தொகுதிகளுக்கு மேல் வெற்றிபெறும். கெஜ்ரிவாலின் ஆம் ஆத்மி கட்சி தேர்தலுக்கு பின்னர் காணாமல் போய்விடும்” என்று உத்தவ்தாக்கரே விமர்சனம் செய்துள்ளார்.

Leave a Reply