கடந்த 2002 குஜராத் கலவரத்துக்காக வருத்தப்படுகிறேன், ஆனால் குற்றஉணர்வு இல்லை. நான் குற்றவாளி என்று எந்த நீதிமன்றமும் கூறவில்லை என தனது வாழ்க்கை வரலாறு நூலில் நரேந்திரமோடி தெரிவித்துள்ளார்.

பிரிட்டன் எழுத்தாளரும் டிவி. நிகழ்ச்சி தயாரிப்பாளருமான ஆண்டிமெரினோ, பா.ஜ.க பிரதமர்வேட்பாளர் நரேந்திர மோடியின் வாழ்க்கை வரலாற்றை தொகுத்து நூல் வெளியிட்டிருக்கிறார்

அந்த புத்தகத்தில் நரேந்திரமோடி தனது மனம் திறந்து கூறியிருப்பதாவது: 2002 குஜராத் கலவரத்துக்காக வருத்தப்படுகிறேன். ஆனால் குற்ற உணர்வால் பாதிக்கப்படவில்லை. நான் குற்றவாளி என்று எந்த நீதி மன்றமும் கூறவில்லை.

கலவரத்துக்கு ஒரு மாதத்துக்குப் பின்பு 2002 ஏப்ரல் 12-ம் தேதி பனாஜியில் பா.ஜ.க தேசியசெயற்குழு கூட்டம் நடைபெற்றது. அந்த கூட்டத்தில் முதல்வர் பதவியை ராஜினாமாசெய்ய விரும்புவதாகத் தெரிவித்தேன்.

ஆனால் கட்சித் தலைமை எனது ராஜினாமாவை விரும்பவில்லை. அதேபோல் என்னை விட்டுவிலக மாநில மக்களும் விரும்பவில்லை.

2002 பிப்ரவரி 27ம் தேதி 59 கரசேவகர்கள் உயிரோடு எரித்து கொல்லப்பட்டனர். அந்நாளில் கோத்ராவில் இருந்து காந்தி நகருக்கு இரவில் திரும்பினேன். ராணுவத்தை தயார்நிலையில் இருக்க செய்யுமாறு எனது அதிகாரிகளுக்கு உத்தரவிட்டேன்.

ஆனால் நாடாளுமன்றம் மீது தாக்குதல் நடத்தப்பட்டநேரம் என்பதால் பாகிஸ்தான் எல்லையில் பதற்றம் நிலவியது. அதனால் ராணுவ வீரர்கள் எல்லையில் குவிக்கப்பட்டிருந்தனர். எனவே அண்டைமாநில முதல்வர்களின் உதவியை நாடினேன். ராஜஸ்தான், மகாராஷ்டிர மாநிலங்களில் இருந்து 10 கம்பெனி போலீஸ் படையை அனுப்ப கேட்டுக்கொண்டேன்.

மகாராஷ்டிர அரசுமட்டும் பெயரளவுக்கு சிறிய போலீஸ்படையை அனுப்பியது. மற்ற 2 மாநில அரசுகளும் எனது கோரிக்கையை நிராகரித்துவிட்டன.

என்னை பொறுத்த வரை வளர்ச்சிதான் தாரகமந்திரம். மக்களை முன்னேற்றவேண்டும் என்பதே எனது அரசின் பிரதானநோக்கம். என்றார் நரேந்திர மோடி.

Leave a Reply