ஆந்திராவில் சந்திரபாபு நாயுடுவின் தெலுங்குதேசம் கட்சியுடன் கூட்டணி வைக்க பா.ஜ.க முடிவு செய்து. அந்த கட்சியின் தலைவர் சந்திரபாபு நாயுடுவுடன் பேச்சு வார்த்தை நடத்தி வந்தது.

கடந்த 10 நாட்களுக்கு முன்பு முதல்கட்ட பேச்சுவார்த்தை தொடங்கியது. ஆனால் பா.ஜ.க.,வுக்கு குறைவான தொகுதிகளே ஒதுக்க தெலுங்குதேசம் முடிவு செய்தது. இதை பா.ஜ.க ஏற்கவில்லை. இதனால் முதல்கட்ட பேச்சு வார்த்தையில் எந்தமுடிவும் ஏற்படாமல் பிரகாஷ் ஐவதேகர் டெல்லி சென்றார்.

கடந்த 3 நாட்களுக்கு முன்பு பிரகாஷ் ஜவதேகர் மீண்டும் ஆந்திராவந்தார். தெலுங்குதேசம் கட்சியுடன் பேச்சு வார்த்தை நடத்தினார். ஆனால் இதில் எந்த உடன்பாடும் ஏற்படவில்லை.

இதனால் ஆந்திராவில் தெலுங்குதேசம் கட்சியுடன் பா.ஜ.க உறவு முறிந்தது. அங்கு தனித்துபோட்டியிட பா.ஜ.க முடிவு செய்துள்ளது.

இதுதொடர்பாக தெலுங்கானா பகுதி பா.ஜ.க தலைவர் கிஷண்ரெட்டி கூறியதாவது:–

தெலுங்குதேசம் கட்சியுடன் பா.ஜ.க கூட்டணி அமையவில்லை. அவர்கள் தொகுதி ஒதுக்குவது மலைக்கும் மடுவுக்கும் போன்ற வித்தியாசம் உள்ளது. தெலுங்கானா பகுதியில் பா.ஜ.க 119 சட்டசபை தொகுதியில் 17 பாராளுமன்ற தொகுதியிலும் தனித்து போட்டியிட முடிவு செய்துள்ளது. நாளை உகாதியன்று முதல்கட்ட வேட்பாளர் பட்டியலை வெளியிட உள்ளோம்.

தெலுங்குதேசம் கட்சியால் ஆந்திராவில் எங்களுக்கு எந்தபலனும் இல்லை. தனித்து நின்றால் தெலுங்கு தேசம்கட்சி போணியாகாது என்றார்.

Leave a Reply