மாட்டுத் தீவின ஊழல்வழக்கில் குற்றம் சாட்டப்பட்டுள்ள ராஷ்டிரிய ஜானதா தள தலைவர் லாலு பிரசாத் யாதவுடன் மீண்டும் கூட்டணி அமைத்துள்ளதை ஜார்கண்டமாநிலத்தில் தேர்தல் பிரச்சார மேற்கொண்ட பாஜக பிரதமர் வேட்பாளர் நரேந்திரமோடி கடுமையாக விமர்சித்துள்ளார். ஜார்கண்ட் மாநிலத்தில் உள்ள ஜாமுர்த்தாலியா மாவட்டத்தில் நடைபெற்ற பொதுக்கூட்டத்தில் அவர் மேலும் பேசியதாவது :

நாட்டின் வளங்களை பாதுகாக்க 1.25 கோடி மக்கள் பாதுகாவலாராக வேண்டும் என்று ராகுல் கூறுகிறார். ஆனால் அவர் கறை படிந்த தலைவர்களுடன் கூட்டணி வைத்துள்ளார். உங்களுடன் கூட்டணி வைத்துள்ளவர்கள் எந்த மாதிரியானவர்கள். காங்கிரஸ்சுடன் கூட்டணி வைத்துள்ளவர்கள் சிறிது காலம் முன்தான் சிறையில் இருந்து வெளியேவந்தவர்கள்.

ராகுல்காந்தியின் காவலர்களான அசோக்சவான் ஆதர்ஷ் ஊழலில் குற்றம் சாட்டப்பட்டுள்ளார். லாலுபிரசாத் யாதவ் மாட்டுத்தீவின ஊழல் வழக்கில் கைது செய்யப்பட்டவர். இதுபோன்ற காவலர்கள் தான் உங்களிடம் இணைந்து நாட்டை பாதுகாக்கும் பணியில் ஈடுபடவுள்ளனர். பாலுக்கு பாதுக்காப்பாக வைக்க முடியும் என்ற பூனையை நான் இதுவரை பார்த்ததில்லை.

மத்திய நிதியில் இருந்து செல்லும் ஒருரூபாயில் 15 பைசா மட்டுமே மக்களை சென்றடையும் என்ற முன்னாள் பிரதமர் ராஜிவ் காந்தியின் பேச்சை நினைவு கூர்ந்த மோடி, இது ” கை”யின் அதிசயம்தான் என்று என்றார்.

பாஜக.,வின் வெற்றி என்பது இந்ததேர்தலில் முன்பே தீர்மானிக்கப்பட்ட ஒன்றுதான் . பா.ஜ.க 300 இடங்களில் வெற்றிபெறுவதை மக்கள் உறுதி செய்யவேண்டும். ஏனெனில் இந்தியாவுக்கு எதிராகசெயல்படும் நாடுகள் தங்கள் நிலையை மாற்ற வலுவான அரசாங்கம் உறுதியளிக்கும். நமது நாட்டில் வலுவான அரசாங்கம் இருந்தால் அமெரிக்காபோன்ற வல்லரசு நாடுகள்கூட ஏற்றுக்கொள்ளும்.

ஜர்கண்ட் இயற்கைவளங்களை கொண்ட வளம்மிக்க மாநிலம். ஆனால் இங்குள்ள மக்கள் ஏழைகளாக உள்ளனர். ஜார்கண்ட் மாநில மக்களை ஏழ்மையில் இருந்து நாங்கள் மீட்டெடுப்போம். என்று அவர் தெரிவித்தார்.

Leave a Reply