தேசிய ஜனநாயகக் கூட்டணியில் 17ஆண்டு காலம் இருந்துவிட்டு வெளியேறிய பிகார் முதல்வர் நிதீஷ்குமார் வருங்காலத்தில் வருத்தப்படுவார். கூட்டணி கட்சிகளுக்கு பாஜக எப்போதும் மரியாதை அளித்துவருகிறது. ஆனால், நிதீஷ்குமார் பாஜவை ஏமாற்றியது மட்டுமின்றி குற்றம்சாட்டியும் வருகிறார் என்று அத்வானி குற்றம் சாட்டியுள்ளார்.

பிகார் மாநிலத்தில் திங்கள் கிழமை நடைபெற்ற பா.ஜ.க பிரசார கூட்டங்களில் அத்வானி பேசியதாவது: ஊழல்கள் நடைபெறுவதற்கு பிரதமர் மன்மோகன்சிங் அனுமதித்திருக்க கூடாது. அதற்கு துணைபோன அமைச்சர்கள் மீது நடவடிக்கை எடுத்திருக்கவேண்டும்.

காங்கிரஸ் தலைமையின் மோசடிக்கு மன்மோகன்சிங் துணைபோனது, அவரது பலவீனத்தை காண்பிக்கிறது. பிரதமர்பதவிக்கு உண்டான பெருமையை அவர் சீர்குலைத்து விட்டார்.

ஐ.மு.,கூட்டணி ஆட்சிக் காலத்தில் ஏற்பட்ட விலைவாசி உயர்வு, ஊழல்கள், முறைகேடுகள் ஆகியவற்றால் காங்கிரஸ் கட்சி மத்தியில் மீண்டும் ஆட்சிப்பொறுப்புக்கு வராது.

தேசிய ஜனநாயக கூட்டணி ஆட்சிக் காலத்தில் அப்போதைய பிரதமர் வாஜ்பாய், நதிநீர் இணைப்புத் திட்டம், நெடுஞ்சாலை மேம்பாட்டுத் திட்டம் ஆகியவற்றை கொண்டுவந்தார். ஆனால், ஐமு.,கூட்டணி ஆட்சிக் காலத்தில் கொண்டு வரப்பட்ட பிரதமர் கிராம சாலை மேம்பாட்டுத்திட்டம் சரியான மேலாண்மை இல்லாத காரணத்தால் தோல்வி அடைந்துவிட்டது.

இந்த தேர்தலில் தேசிய ஜனநாயகக் கூட்டணி வெற்றிபெற்று மத்தியில் ஆட்சி அமைக்கும். நிதீஷ் வருத்தப்படுவார்: தேசிய ஜனநாயகக் கூட்டணியில் 17ஆண்டு காலம் இருந்துவிட்டு வெளியேறிய பிகார் முதல்வர் நிதீஷ்குமார் வருங்காலத்தில் வருத்தப்படுவார். கூட்டணி கட்சிகளுக்கு பாஜக எப்போதும் மரியாதை அளித்துவருகிறது. ஆனால், நிதீஷ்குமார் பாஜவை ஏமாற்றியது மட்டுமின்றி குற்றம்சாட்டியும் வருகிறார் என்று கூறினார்.

Leave a Reply