ஏழை முஸ்லிம்களின் வாழ்க்கை நிலையில் ஒருமாற்றம் வேண்டும். ஒருலட்சம் ரூபாயை மூன்றே ஆண்டுகளில் 300 கோடி ரூபாயாக மாற்றக்கூடிய மாயாஜால நிபுணர்களும் நமது நாட்டில் தான் வசிக்கிறார்கள் என்று உத்தரபிரதேச மாநிலத்தில் முஸ்லிம்கள், கணிசமாக வசிக்கும் பிரோஷபாத் நகரில் நேற்று நடந்த தேர்தல்பிரசார கூட்டத்தில் பா.ஜ.க.,வின் பிரதமர் வேட்பாளர் நரேந்திர மோடி பேசியுள்ளார் .

இது குறித்து அவர் மேலும் பேசியதாவது

சீனாவுடன் மத்திய அரசு வர்த்தக ஒப்பந்தம் செய்துகொண்டதன் மூலம் பிரோஷபாத்தில் இருந்த வளையல் மற்றும் கண்ணாடி தொழிற்சாலைகளை அழித்து விட்டது. இங்குள்ள தொழிற்சாலைகளை மேம்படுத்த வேண்டும். மேலும் புதிய தொழில் நுட்பங்களுடன் கூடிய தொழிற்சாலைகள் நிறுவப்பட வேண்டும்.

ஏழை முஸ்லிம்களின் வாழ்க்கை நிலையில் ஒருமாற்றம் வேண்டும். ஒருலட்சம் ரூபாயை மூன்றே ஆண்டு காலத்தில் 300 கோடி ரூபாயாக மாற்றக்கூடிய மாயாஜால நிபுணர்களும் நமது நாட்டில் தான் இருக்கிறார்கள். பா.ஜ.க ஆட்சிக்கு வந்தால் இந்த ஊழல் தொடர்பாகவும் மற்ற ஊழல் குற்றச்சாட்டுகள் குறித்தும் விசாரணை நடத்தப்படும்.

இது போன்ற ஊழலில் ஈடுபட்டவர்களிடம் மீண்டும் ஆட்சியைதந்து விடக்கூடாது. இதுவரை பாராளுமன்ற தேர்தல் நடந்து முடிந்துள்ள 232 தொகுதிகளிலும் மக்கள் நல்லதீர்ப்பை வழங்கி இருக்கிறார்கள். அடுத்து தேர்தல் நடைபெறவுள்ள தொகுதிகளிலும் பா.ஜ.க கணிசமான வெற்றியைபெற்று மத்தியில் ஆட்சி அமைக்கும்.

ஏனெனில் பா.ஜ.க.,வுக்கு ஆதரவாக அலைவீசுகிறது. பெண்களுக்கான பாதுகாப்பு குறித்து காங்கிரஸ் தவறான தகவல்களை தருகிறது. பெண்களுக்கு எதிராக அதிககுற்றங்கள் நடக்கும் 10 மாநிலங்களில் 7ல் காங்கிரஸ் ஆட்சி தான் நடக்கிறது. தந்தையும், மகனும் ஆட்சிநடத்தும் உத்தரபிரதேசத்தில் ஊழல் மலிந்துவிட்டது. குற்றங்களும் அதிகரித்து விட்டன. மாநிலத்தில் எந்த வளர்ச்சியும் இது வரை நடைபெறவில்லை. மாநிலத்தில் மின்சாரவசதி இல்லை. சாலைவசதியும் கிடையாது. இதுபோன்ற மக்களை பாதிக்கும் செயல்கள்தான் அன்றாடம் நடந்து வருகின்றன என்று அவர் பேசினார்.

Leave a Reply