உத்தரகண்ட் மாநிலத்தில் தேர்தல்தோல்விக்குப் பொறுப்பேற்று முதல்வர் ஹரீஷ் ராவத் தலைமையிலான காங்கிரஸ் அரசு ராஜிநாமா செய்யவேண்டும் என்று அந்த மாநில முன்னாள் முதல்வர் பி.சி.கந்தூரி வலியுறுத்தியுள்ளார்.

இதுகுறித்து, தில்லியில் செய்தியாளர்களிடம் கந்தூரி கூறுகையில், “”காங்கிரஸ் கட்சியில் ஒழுக்க நெறி முறைகள் எதுவும் இல்லை. பல்வேறு ஊழல் குற்றச்சாட்டுகளை அவர்கள் சந்தித்துவருகின்றனர். மாநிலத்தில் முன்பு பாஜக 5 இடங்களை இழந்ததால், முதல்வராக இருந்த நான் பதவியை ராஜிநாமாசெய்தேன். அதுபோன்று, தற்போது காங்கிரஸ் ராஜிநாமா செய்யவேண்டும்” என்றார்.

கடந்த 2009ஆம் ஆண்டு உத்தரகண்ட் மாநிலத்தின் 5 மக்களவை தொகுதிகளிலும் வெற்றிபெற்ற காங்கிரஸ், தற்போது நடந்து முடிந்த தேர்தலில் ஒரு தொகுதியில்கூட வெற்றி பெறவில்லை. அனைத்து தொகுதிகளிலும் பாஜக வெற்றி பெற்றுள்ளது என்பது குறிப்பிட தக்கது

Leave a Reply