பிரதமர் நரேந்திரமோடி, அமெரிக்காவில் உரையாற்றவுள்ள நிகழ்வை இணையத்தில் நேரலைசெய்ய திட்டமிடப்பட்டுள்ளது.

நரேந்திர மோடி பிரதமரான பின்னர் முதல்முறையாக செப்டம்பரில் அமெரிக்கா செல்கிறார். செப்டம்பர் 28-ல் அவர் அமெரிக்காவில் மேடிசன் சதுக்கத்தில் உரையாற்ற உள்ளார் . இந்நிகழ்வில் 20,000 பேர்வரை கலந்து கொள்கின்றனர்.

இதுதவிர அமெரிக்காவில் உள்ள பெரு நகரங்களில் சுமார் 20 நகரங்களுக்கு மோடி உரை இணையத்தில் நேரலைசெய்ய ஏற்பாடு நடைபெற்று வருகிறது.

மான்ஹாட்டனில் உள்ள மேடிசன் சதுக்கத்தில் 20,000 பேருக்கு மேல் கலந்துகொள்ள முடியாது . முன்னதாக, ஒருலட்சம் பேர் வரை கலந்துகொள்ள ஆர்வமாக உள்ளதாகவும் . எனவே அவ்வளவு பேருக்கு தகுந்த உள்ளரங்கு கிடைப்பது கடினம் என்பதால் நேரலையாக ஒளிபரப்ப முடிவு செய்யப்பட்டுள்ளதாக தகவல்கள் தெரிவிக்கின்றன.

இதற்கு முன்பு வாஜ்பாய், மன்மோகன்சிங் உள்ளிட்டோர் அமெரிக்காவில் உரையாற்றியுள்ளனர் . ஆனால் அவர்கள் சிறிய அரங்கில் கூடியிருந்த சில நூறு வெளிநாடுவாழ் இந்தியர்கள் முன்பு மட்டுமே உரையாற்றினர் என்பது குறிப்பிடத்தக்கது.

Leave a Reply