ஏழைகளை தன்னிறைவு பெற்றவர்களாக்கும் திட்டங்களை வகுக்க வேண்டிய அவசியம் உருவாகியுள்ளது என்று பிரதமர் நரேந்திர மோடி கூறியுள்ளார்.

தனது 64ஆவது பிறந்த நாளான புதன்கிழமை குஜராத்மாநிலம், காந்தி நகரில் நடைபெற்ற நிகழ்ச்சியில், அந்த மாநில அரசின் 11 புதிய திட்டங்களைத் தொடங்கிவைத்து அவர் பேசியதாவது:

தற்போது நடைமுறையில் உள்ள திட்டங்கள் அனைத்தும், ஏழைகளிடையே அவ நம்பிக்கையையும், அரசை சார்ந்திருக்கும் நிலையையும் ஏற்படுத்தும். இந்த திட்டங்களால், ஏழைகளிடையே தன்னம்பிக் கையையும், தன்னிறைவையும் ஏற்படுத்தமுடியாது. ஒரு வேளை அரசின் திட்டங்கள் நிறுத்தப்பட்டால், பசியால் ஏழைகள் உயிரிழந்து விடுவார்கள்.

தனதுவாழ்வில் பிறரை சார்ந்திருக்கும் நிலை ஒருவருக்கு இருந்தால், அந்தநபரால் எதையும்செய்ய முடியாது. அது போன்ற நிலையில், உயிர் வாழ்வதைவிட மரணிப்பதே நல்லது என்ற எண்ணம் தான் அவருக்கு ஏற்படும். அத்தகைய சூழ்நிலையில் வாழ்பவர்களை, அதிலிருந்து மீட்டுக்கொண்டு வருவதைவிட வேறு சிறந்தபணி கிடையாது.

இந்லையை நம்மால் மாற்ற முடியாதா? கடவுள் நமக்கு கைகளையும் அறிவு, கல்வியையும் கொடுத்திருக்கிறார். அதுபோல் தான் தலித்துகளுக்கும், பழங்குடியினருக்கும், ஏழைகளுக்கும் கடவுள் கொடுத்துள்ளார். ஆகையால் அவர்களுக்கு வாய்ப்பு வழங்கப்பட்டால் , அவர்களும் தன்னிறைவை அடையமுடியும். அத்தகைய வாய்ப்புகளை அவர்களுக்கு நாம் ஏற்படுத்தி கொடுத்தால், சுய மரியாதையுடன் அவர்களால் வாழமுடியும்.

நமது நாட்டின் சுயமரியாதை என்பது, நாட்டில் உள்ள 125 கோடி மக்களின் சுய மரியாதையை சார்ந்துள்ளது. இது (காந்தி நகர்), மகாத்மாகாந்தி வாழ்ந்த மண்ணாகும். இங்கிருந்து தான், நமக்கு தன்னம்பிக்கை, சுய மரியாதை, சுய சார்பு ஆகியவை கற்றுக் கொடுக்கப்பட்டது.

பால் உற்பத்தித்தொழிலில், நாட்டிலேயே குஜராத் முதலாவதாக உள்ளது. பெண்களின் கடின உழைப்பால்தான், குஜராத்தால் இதை சாதிக்கமுடிந்தது. தங்களது வீடுகளில், 10, 20, 25 பசுக்களை வளர்க்கும் இந்த பெண்கள்தான், உண்மையான தொழில் முனைவோர் ஆவர். இத்தகைய பெண்கள் ஊக்குவிக்கப்பட வேண்டும்.

நமது நாட்டில், உணவுதானிய உற்பத்தி அளவுடன் ஒப்பிடுகையில் அதற்கேற்ப சேமிப்பு கிடங்குகள் இல்லை. நமது நாட்டில் விவசாயிகள் அதிகளவில் உணவு தானியங்களை உற்பத்திசெய்கின்றனர். ஆனால் சேமிப்புக் கிடங்குகள் போதிய அளவுக்கு இல்லாததால், உணவு தானியங்கள் வீணாகி விடுகின்றன.

எனவே, தங்களுக்கு தேவையான சேமிப்பு கிடங்குகளை கிராமத்தில் தாங்களே விவசாயிகள் கட்டிக் கொள்வதற்கு ஏன் ஊக்குவிக்கக்கூடாது? மத்திய அரசு பட்ஜெட்டில், இந்த திட்டம் தான் அறிமுகப்படுத்தப் பட்டுள்ளது. இந்ததிட்டத்தின் மூலமாக, தாங்கள் உற்பத்திசெய்யும் தானியங்களுக்கு உரியவிலையை விவசாயிகளால் பெறமுடியும் என்றார் பிரதமர் நரேந்திரமோடி

Leave a Reply