பிரதமர் நரேந்திர மோடியும், அமெரிக்க அதிபர் ஒபாமாவும் இணைந்து பத்திரிகை ஒன்றுக்காக கூட்டுத்தலையங்கம் எழுதியுள்ளனர். இந்த தலையங்கம் நாளை இன்று வெளியாகும் என்று எதிர்பார்க்க படுகிறது.

அமெரிக்காவில் சுற்றுப்பயணம் மேற்கொண்டுள்ள பிரதமர் நரேந்திர மோடி, அங்கு பல தரப்பினரை சந்தித்தும், பல்வேறு நிகழ்ச்சிகளில் கலந்து கொண்டும் வருகிறார். அவரது உற்சாகமான செயல்பாடுகள் அங்குள்ள மக்களை வெகுவாக கவர்ந்துள்ளது..

பிரதமர் நரேந்திர மோடியின் பயணம் முடிவடையும் தருணத்தில், ஒபாமாவுடன் இணைந்து அமெரிக்க பத்திரிகை ஒன்றுக்காக கூட்டுத்தலையங்கம் ஒன்றை அவர் எழுதியுள்ளதாக தெரிய வந்துள்ளது.

இந்த கூட்டுத் தலையங்கம் நாளை வெளியிடப்பட உள்ள நிலையில், குறிப்பிட்ட பத்திரிகையின் பெயரை இருநாட்டு வெளியுறவு துறை அமைச்சகமும் அறிவிக்கவில்லை.

இந்நிலையில், மத்திய வெளியுறவுத்துறை அமைச்சர் சயீத் அக்பரூதீனிடம் செய்தியாளர்களிடம் இதுகுறித்து கேட்டபோது, "அமெரிக்க அதிபர் ஒபாமாவும், பிரதமர் நரேந்திர மோடியும் தங்களது தேர்தல் பிரச்சாரங்களில் தொழில் நுட்பத்தை மிகநேர்த்தியாக கையாண்டு மக்களை கவர்ந்தவர்கள் ஆவர்.

அவர்கள் சைபர் உலகில் வல்லவர்கள் என்பது அனைவரும் அறிந்ததே. இதனை தங்களது நாடுகளுக்குக்கு நன்மைபயக்கும் விதத்தில் சில உடன்பாடுகளை விரைவில் மேற்கொள்வார்கள். அதற்காக நீங்கள் காத்திருங்கள்.

மேலும், இவர்கள் கூட்டுத்தலையங்கம் எழுதியுள்ளது உண்மைதான். இரு நாட்டு தலைவர்களும் இணைந்து தங்களது நாடுகளின் நிலைப் பாட்டை முதன் முறையாக எழுத்துப் பூர்வமாக இணைந்து எழுதியுள்ளனர். இது பிரதமரின் பயணத்தில் மிகவும் முக்கியத்துவம் வாய்ந்த விஷயம்" என்றார்.

அமெரிக்காவுக்கு புறப்படுவதற்கு முன்பு , 'வால் ஸ்ட்ரீட் ஜர்னல்' என்ற பிரபல அமெரிக்க பத்திரிகைக்கு நரேந்திர மோடி தலையங்கம் எழுதியிருந்தது இங்கே நினைவு கூரத்தக்கது

Leave a Reply