காஷ்மீரில் பா.ஜ.க ஆட்சியமைக்க விரும்புவதாக அமித்ஷா கூறினார். ஆனால், கட்சிகளுடனான பேச்சுவார்த்தையில் பயனுள்ள முடிவு ஏற்பட வில்லை என்று அவர் கூறினார்.

காஷ்மீர் சட்ட சபை தேர்தலில் எந்த கட்சிக்கும் பெரும்பான்மை கிடைக்காததால், ஆட்சியமைக்கும் முயற்சியில் இழு பறி நிலவி வருகிறது. 19-ந் தேதிக்குள் புதிய அரசு அமைக்க கவர்னர் என்.என்.வோரா கெடு விதித்துள்ளார்.

அதிக இடங்களைப் பிடித்துள்ள மக்கள் ஜனநாயக கட்சியும், பா.ஜனதாவும் ஆட்சி அமைக்கும் முயற்சியில் ஈடுபட்டுள்ளன. நேற்று முன்தினம் கவர்னரை சந்தித்த பா.ஜ.க குழு, ஆட்சியமைக்க கூடுதல்கால அவகாசம் கேட்டது.

இந்நிலையில், பா.ஜ.க உறுப்பினர் சேர்க்கை பணிகளை ஆய்வுசெய்ய பா.ஜ.க தலைவர் அமித்ஷா மும்பை சென்றார். அங்கு அவர் காஷ்மீர் நிலவரம்குறித்து நிருபர்களுக்கு பேட்டி அளித்தார். அப்போது அவர் கூறியதாவது:-

காஷ்மீரில் பா.ஜ.க ஆட்சியை அமைக்க விரும்புகிறோம். அதற்காக, மக்கள் ஜனநாயக கட்சி, தேசியமாநாட்டு கட்சி ஆகிய கட்சிகளுடன் பேச்சுவார்த்தை நடத்திவருகிறோம். ஆனால், பேச்சு வார்த்தையில் பயனுள்ள முடிவு எதுவும் ஏற்படவில்லை இவ்வாறு அவர் கூறினார்.

Leave a Reply