முற்போக்கு வாதிகள் என தங்களை கூறிக்கொள்பவர்கள், ஒவ்வொரு குற்றச் சம்பவத்துக்கும் மதச்சாயம் பூசுகிறார்கள் என ஆர்கனைசர். விமர்சனம் செய்துள்ளது.

இது தொடர்பாக, "ஆர்கனைசர்' இதழில் வெளிவந்த தலையங்கக் கட்டுரைகளில் மேலும் கூறப்பட்டுள்ளதாவது:

"நாட்டில் சிறு பான்மையினருக்கு பாதுகாப்பு இல்லை' என்ற கருத்து ஊடகங்களில் பிரபலமாகி விட்டது. முற்போக்குவாதிகள் எனக் கூறிக்கொள்பவர்கள், எந்தவொரு குற்ற சம்பவத்துக்கும் மதச்சாயம் பூச முயல்கிறார்கள். அவர்களின் குற்றச்சாட்டில் உண்மையில்லை என தெரிந்தபிறகும், அவர்கள் அதே நிலைப்பாட்டில் இருக்கிறார்கள்.

ஆங்கிலேயேர்கள் இந்தியாவை விட்டு வெளியேறும் போது, ஹிந்துமுஸ்லிம் மக்களிடையே பிரிவினையை ஏற்படுத்துவதற்காக சிறு பான்மையினர்-பெரும்பான்மையினர் என்று சதிசெய்தனர்.

பாலின சமத்துவம் அல்லது பெண்களுக்கு எதிரான குற்றம், கொடியகுற்றம் அல்லது சிறாருக்கு ஜாமீன் வழங்குவது, சாதிக் கொடுமைகள் அல்லது வகுப்புவாத வன்முறைகள், தகவல் தொழில்நுட்பச் சட்டத்தை ரத்துசெய்வது அல்லது சட்டத் திருத்தம் கொண்டுவருவது ஆகிய விவகாரங்களில் முடிவில் பாதிக்கப்படுபவரை பொறுத்து, முற்போக்குவாதிகள் தங்கள் நிலைப்பாட்டை முடிவுசெய்கிறார்கள்.

மேற்கு வங்கத்தில் கன்னியாஸ்திரி பலாத்காரம், மும்பையில் தேவாலயத்தில் தாக்குதல் உள்ளிட்ட சம்பவங்களில் அரசையும், கலாசார அமைப்புகளையும் குறி வைத்து அவர்கள் விமர்சனம்செய்தனர்.

உண்மையில் அவர்கள் கலாசார ஒற்றுமையை சீர்குலைத்துக் கொண்டிருக்கிறார்கள். இந்தியாவில் முஸ்லிம் மதத்தையும், கிறிஸ்தவ அமைப்புகளையும் ஆதரிப்பவர்களுக்கு முற்போக்கு வாதிகள் என்று விளக்கம் தரப்படுகிறது. கூர்ந்துகவனித்தால், ஹிந்து மதத்துக்கும், ஹிந்து அமைப்புகளுக்கும் எதிராகச் செயல்படுவதையே முற்போக்கு சிந்தனை கூறப்படுவது தெரிய வரும் என்று அந்த தலையங்க கட்டுரைகளில் தெரிவிக்கப்பட்டுள்ளது.

Leave a Reply