எந்த வகையிலும் பேச்சு வார்த்தைக்கு உடன்பட மாட்டோம், இந்தியா எந்தவிதமான நிபந்தனையும் இன்றி டோக்லாமில் இருந்து வெளியேற வேண்டும் என்று மிரட்டியது சீனா !! அமைதியாக, ஆனால் இம்மிகூட டோக்லாமில் இருந்து அசையாமல் இருந்தது இந்திய ராணுவம்.

தன்னுடைய அடிமை ஊடகங்களை வைத்து, இந்தியா வெளியேறவில்லை என்றால் மிகப்பெரும் விளைவுகளை சந்திக்க வேண்டும் என்றது சீனா !! அமைதியாக, ஆனால் இம்மிகூட டோக்லாமில் இருந்து அசையாமல் இருந்தது இந்திய ராணுவம்.

1962ல் நடந்தது போல் மீண்டும் ஒருபோரை இந்தியா சந்திக்க வேண்டி வரும், இந்தியா நினைத்துப் பார்க்க முடியாத விளைவுகளை சந்திக்க வேண்டும் என்றெல்லாம் எழுதி தள்ளின சீனஊடகங்கள். சீனாவில் அதன் அரசின் சம்மதமில்லாமல் எதையுமே எழுதஇயலாது என்பது அனைவரும் அறிந்த உண்மை. ஆனால் இத்தனை மிரட்டலுக்கு இடையேயும், அமைதியாக, ஆனால் இம்மி கூட டோக்லாமில் இருந்து அசையாமல் இருந்தது இந்திய ராணுவம்.

பேச இயலாது என்று கூறிய சீனா தற்போது இந்திய ராணுவத்தோடு பேசிதீர்க்க வந்துள்ளது. அது வெளிப்படையாக குறிப்பிடா விட்டாலும், டோக்லாமில் உள்ள‌ சாலை கட்டுமானத்தை அது இனி தொடரப்போவது இல்லை என்பது தேசிய ஊடகங்கள் மூலமாக நமக்கு தெரிய வருகிறது.

நெஞ்சை நிமிர்த்தி நின்ற சீனா ஏன் இப்போது பல்டி அடித்தது ?

1) டோக்லாம் பகுதியில் ஏற்கனவே சீனா, 1967ல் இந்தியாவிடம் மண்ணை கவ்வியபகுதி. இங்கு இந்திய ராணுவம் யுக்தி ரீதியாக மிகச்சிறப்பான வகையில் நிலைநிறுத்தப் பட்டுள்ளது.

2) போர் மேகத்திற்கான சூழல் தொடர்ந்தால் அதனால் பாதிக்கப்பட போவது சீனாதான். சீனப் பொருள்கள் இந்தியாவின் மிகப்பெரும் சந்தையில் விற்க இயலாது. தீபாவளி நெருங்கிவரும் நிலையில் மிகப்பெரும் வியாபார வாய்ப்பை சீனா இழந்துவிடக்கூடும்.

3) மோடி அவர்களின் மிகப்பெரும் சுற்றுப்பயணம் மற்றும் வெளியுறவுத் துறை சுஷ்மா ஸ்வராஜ் அவர்களின் அரும்பணியின் காரணமாக சீனாவின் அண்டை நாடுகள் பலவும் இந்தியாவின்பக்கம் உள்ளது. இந்தியா ஒரு மிகப்பெரும் சக்தியாக முன்னேறிவரும் நிலையில், அமெரிக்கா, இஸ்ரேல், ஜப்பான் மற்றும் ஆஸ்த்ரேலியாவின் ஆதரவு இந்தியாவின் பக்கம் உள்ள‌து சீனர்களை மிகவும் யோசிக்க வைத்துள்ளது. மேலும் இந்தியா சீனாவை கண்டு அஞ்சும் வகையில் பிலிப்பைன்ஸோ, வியட்நாமோ இல்லை.

4) இதற்கெல்லாம் மேலாக பிரிக்ஸ் மாநாட்டுக்கு மோடி அவர்கள், சீனாவுக்குசெல்ல உள்ளார். ஆனால் டோக்லாம் பிரச்சனை காரணமாக மோடி அவர்களின் பயனம் சந்தேகத்துக்கு உரியது என்று இந்திய வெளியுறவுதுறை அதிகாரிகள் தெரிவித்து இருந்தனர். ஒருநாட்டின் தலைவர் கலந்து கொள்ளவில்லை என்றால் மாநாடு நடைபெறாது என்கிற நிலையில் இது சீனாவுக்கு பின்னடைவையே தரும். ஆகையால் அடிமட்ட அளவில் பேச்சு வார்த்தைக்கு சீனா வேறுவழியில்லாமல் சம்மதித்துள்ளது.

Leave a Reply