மத்தியில் பாரதிய ஜனதா தலைமையிலான ஆட்சி அமைந்தபோது, பிரதமர் மோடியின் மந்திரி சபையில் கேரள மாநிலத்திற்கு பிரதிநிதித்துவம் இல்லாமல் இருந்தது.

கடந்த சிலமாதங்களுக்கு முன்பு மத்திய மந்திரி சபை மாற்றி அமைக்கபட்டது. அப்போது முன்னாள் ஐ.ஏ.எஸ். அதிகாரி அல்போன்ஸ் கண்ணந் தானத்தை பிரதமர் மோடி மத்திய சுற்றுலாதுறை மந்திரியாக நியமித்தார்.

பாராளுமன்றத்தின் இருசபைகளிலும் உறுப்பினராக இல்லாத அல்போன்ஸ் கண்ணந்தானம் உடனடியாக மந்திரிபதவி ஏற்றுக்கொண்டார்.

இதையடுத்து அல்போன்ஸ் கண்ணந்தானம் ஏதாவது ஒருதொகுதியில் இருந்து எம்பி.யாக தேர்வு செய்யப்படவேண்டிய நிலை ஏற்பட்டது.

இந்த நிலையில் ராஜஸ்தான் மாநிலத்தில் இருந்து மேல்சபை எம்பி.யாக தேர்வுசெய்யப்பட்ட வெங்கையா நாயுடு சமீபத்தில் துணை ஜனாதிபதியாக தேர்வுசெய்யப்பட்டார். இதனால் அவர் ராஜஸ்தான் மாநில மேல் சபை எம்.பி. பதவியை ராஜினாமா செய்தார்.

இதனால் அந்தபதவி காலியாக இருந்தது. இதற்கு தேர்தல்நடக்க உள்ளது. இந்ததேர்தலில் மத்திய மந்திரி அல்போன்ஸ் கண்ணந்தானத்தை பாரதிய ஜனதா கட்சி வேட்பாளராக நிறுத்த கட்சி மேலிடம் முடிவுசெய்துள்ளது. இந்த அறிவிப்பை கட்சியின் தேசிய தலைவர் அமித்ஷா நேற்று அறிவித்தார்.

ராஜஸ்தானில் மொத்தம் உள்ள 200 எம்.எல்.ஏ.க்களில் 160 பேர் பா ஜனதா கட்சியை சேர்ந்தவர்கள். இங்கு காங்கிரஸ் கட்சிக்கு 24 எம்எல்ஏ.க்களே உள்ளனர். எனவே இங்குநடக்கும் மேல்சபை தேர்தலில் பாரதிய ஜனதா கட்சி வேட்பாளர் உறுதியாக வெற்றிபெறுவார். வேட்பு மனுதாக்கல் செய்ய வருகிற 6-ந்தேதி இறுதிநாளாக இருக்கும். இதில் போட்டி இருந்தால் தேர்தல்நடைபெறும். இல்லையேல் அல்போன்ஸ் கண்ணந்தானம் போட்டியின்றி தேர்ந்தெடுக்கப் பட்டதாக அறிவிக்கப்படுவார்.

Leave a Reply

Your email address will not be published.

This site uses Akismet to reduce spam. Learn how your comment data is processed.