இன்றைய ஒருங்கிணைந்த இந்தியாவை உருவாக்கியதில் முக்கிய பங்காற்றிய, இரும்பு மனிதர் என்றழைக்கப்பட்ட சர்தார் வல்லபாய் பட்டேலின் பிறந்த தினம் நாடுமுழுவதும்  நேற்று கொண்டாடப் பட்டது . இதனையடுத்து டெல்லியில் அமைந்துள்ள சர்தார் பட்டேல் சவுக்கில், வல்லபாய் பட்டேலின் சிலைக்கு குடியரசுத் தலைவர் ராம்நாத் கோவிந்த், பிரதமர் நரேந்திர மோடி, குடியரசு துணைத் தலைவர் வெங்கைய நாயுடு மத்திய உள்துறை அமைச்சர் ராஜ்நாத்சிங் உள்ளிட்ட பலர் மலர் தூவிமரியாதை செலுத்தினர். பின்னர் பிரதமர் மோடி டெல்லி தயான்சந்த் மைதானத்தில் ஒற்றுமைக்கான ஓட்டத்தைத் துவக்கிவைத்தார். இந்த ஓட்டத்தில் பொது மக்கள், அரசு அதிகாரிகள் என 20 ஆயிரத்துக்கும் மேற்பட்டோர் பங்கேற்றனர்.

ஓட்டத்தை துவக்கிவைக்கம் முன் நிகழ்ச்சியில் பேசிய பிரதமர், இந்தஓட்டத்தில் கலந்துகொள்ள வந்திருக்கும் இளைஞர்களைப் பார்ப் பத்தில் மகிழ்சியாக இருப்பதாக தெரிவித்தார். இன்று சர்தார் வல்லபாய்பட்டேல் பிறந்ததினம். இந்தியாவின் சுதந்திரத்திற்கு முன்னும், சுதந்திரம் அடைந்த பின்னரும் பட்டேல் நாட்டுக்கு ஆற்றிய பங்களிப்பை நினைத்து ஒவ்வொருவரும் பெருமைப்பட வேண்டும் என்றார். ஏனெனில் இன்றைய ஒருங்கிணைந்த இந்தியாவை உருவாக்குவதற்கு அவர் அரும்பாடுபட்டார். அதனால்தான் அவரது பங்களிப்பை இன்றைய இளம் தலைமுறையினர் மதிக்கின்றனர் என்றார். ஆனால் சர்தார் படேலின் பங்களிப்பை புறக்கணிக்கவும், மறைக்கவும் முயற்சி நடைபெற்றதாக சாடினார். இந்தியவரலாறு இருக்கும் வரை சர்தார் வல்லபாய் பட்டேலின் தியாகம் நினைவு கூறப்படும் என்றார். பன்முகத் தன்மை கொண்ட நமது நாடு வேற்றுமையில் ஒற்றுமை என்னும் பண்பில் சிறந்து விளங்குவதாக குறிப்பிட்டார்.

Leave a Reply