டெல்லியில் நடந்த உலக உணவுகருத்தரங்கில் பிரதமர் மோடி கலந்துகொண்டு பேசினார். அப்போது அவர் கூறியதாவது:-

உலக அளவில் இந்தியாவின் வர்த்தகம் 130-வது இடத்தில்இருப்பதாக உலகவங்கி அறிக்கையில் தெரிவிக்கப்பட்டு இருந்தது. இந்த ஆண்டு இந்தியாவின் வர்த்தகம் உலகஅளவில் 100-வது இடத்துக்கு முன்னேறியுள்ளது.

பல முனைவரிகள் அகற்றப்பட்டு சரக்கு மற்றும் சேவைவரிகள் அமல்படுத்தப்பட்ட பின்பு இந்தியாவின் பொருளாதாரம் வேகமாக வளர்ச்சிஅடைந்து வருகிறது.

இந்தியாவில் உணவு பதப்படுத்துதல் தொழில் வெளிநாட்டு நிறுவனங்கள் முதலீடு செய்தால் நல்ல வாய்ப்பு உள்ளது. இங்குள்ள வாய்ப்புகளை பயன் படுத்திக்கொண்டு வேளாண்மை தொடர்பான தொழிலில் அதிக முதலீடுகள் செய்யவும் கேட்டுக் கொள்கிறேன்.

இயற்கை உணவு பொருட்களுக்கு நல்ல வரவேற்பு ஏற்பட்டுள்ளது. அதற்கான முன்னேற் பாடாக தொழில் நுட்பங்களை பயன்படுத்தவேண்டும்.

5 ஆண்டுகளில் விவசாயிகளின் வருவாயை இருமடங்காக பெருக்க மத்திய அரசு இலக்கு நிர்ணயித்துள்ளது. பாரம்பரிய மிக்க இந்திய உணவுவகைகளில் நவீன தொழில் நுட்பத்தையும் பயன் படுத்தி நாம் வெற்றிமேல் வெற்றிபெறுவதற்கான முயற்சிகளையும் தீர்வுகளையும் மேற்கொள்ள வேண்டும் இவ்வாறு மோடி பேசினார்

Leave a Reply

Your email address will not be published.

This site uses Akismet to reduce spam. Learn how your comment data is processed.