15-வது ‘ஆசியான்’ மாநாடு பிலிப் பைன்ஸ் நாட்டின் தலை நகர் மணிலாவில் நாளை (13-ந்தேதி) நடக்கிறது. இந்தமாநாட்டில் கலந்து கொள்வதற்காக டெல்லியில் இருந்து விமானம்மூலம் புறப்பட்டு சென்ற பிரதமர் மோடி, பிலிப்பைன்ஸ் சென்றடைந்தார். 

 

இந்த மநாட்டில், ஜப்பான் பிரதமர் ஷின்சோஅபே, சீனபிரதமர் லீ கெ கியாங், ரஷியபிரதமர் டிமிட்ரி மெத்வதேவ், ஆஸ்திரேலிய பிரதமர் மால்கம் டர்ன்புல், வியட் நாம் பிரதமர் கியூயன் ஷூயாங் புக், நியூசிலாந்து பிரதமர் ஜசிந்தா ஆர்டன், பிலிப்பைன்ஸ் அதிபர் ரோட்ரிகோ டியூட்ரேட் உள்ளிட்ட நாடுகளின் தலைவர்களும் அதில் கலந்துகொள்கின்றனர்.

 

அமெரிக்க அதிபர் டொனால்டு டிரம்பும் மாநாட்டில் பங்கேற்கிறார். தற்போது ஆசியநாடுகளில் அவர் சுற்றுப் பயணம் மேற்கொண்டுள்ளார். இதற்கிடையே மாநாட்டின் இடைவேளையில் அமெரிக்க அதிபர் டிரம்பை பிரதமர் நரேந்திரமோடி சந்திக்கிறார். 

 

அப்போது இருநாட்டு தலைவர்களும் சர்வதேச நிலவரம் மற்றும் தீவிரவாத எதிர்ப்பு உள்ளிட்டவை குறித்து பேச்சு வார்த்தை நடத்துகின்றனர். மேலும் ரஷியபிரதமர் டிமிட்ரி மெத்வதேவ், சீனபிரதமர் லீ கெ கியாங் மற்றும் வெளிநாடுகளின் தலைவர் களையும் பிரதமர் மோடி சந்தித்து பேசுகிறார். நவம்பர் 14 ஆம் தேதி நடைபெறும் கிழக்கு ஆசிய மாநாட்டிலும் பிரதமர் மோடி கலந்துகொள்கிறார் என்பது குறிப்பிடத்தக்கது.

Leave a Reply

Your email address will not be published.

This site uses Akismet to reduce spam. Learn how your comment data is processed.