இந்தியாவிலேயே சிறந்தபொறியியல் கல்லூரியாக சென்னையில் உள்ள இந்தியத் தொழில்நுட்ப கல்விநிறுவனம் (ஐஐடி-எம்) தேர்வு செய்யப் பட்டுள்ளது. சிறந்த கல்வி நிறுவனமாக பெங்களூரு ஐ.ஐ.எஸ்.சி நிறுவனம் தேர்வாகியுள்ளது.

மத்திய மனிதவள மேம்பாட்டு அமைச்சகத்தின் சார்பில் ஆண்டு தோறும் சிறந்த கல்வி நிறுவனங்கள், கல்லூரிகள் ஆகியவற்றின் தரவரிசைப்பட்டியல் வெளியிடப்படும். அந்த வகையில், நிகழாண்டுக்கான தரவரிசைப் பட்டியலை மனிதவள மேம்பாட்டு அமைச்சகம் நேற்றுவெளியிட்டது.

அதில், நாட்டிலேயே சிறந்த பொறியியல் கல்லூரியாக சென்னையில் உள்ள இந்தியத் தொழில்நுட்ப கல்விநிறுவனம் (ஐஐடி-எம்) தேர்வாகியுள்ளது. அதேபோல், சிறந்த கல்வி நிறுவனமாக பெங்களூருவில் உள்ள இந்திய அறிவியல் கல்வி நிறுவனம் (ஐஐஎஸ்சி) தேர்வு செய்யப் பட்டுள்ளது.

இந்நிலையில், சிறந்த மேலாண்மைக் கல்வி நிறுவனமாக குஜராத்மாநிலம் அகமதாபாதில் உள்ள இந்திய மேலாண்மை கல்வி நிறுவனம் (ஐஐஎம்-ஏ) தேர்வு செய்யப்பட் டிருக்கிறது. டெல்லி பல்கலைக்கழகத்தின் கீழ் இயங்கும் ‘மிராண்டா ஹவுஸ்’, நாட்டிலேயே சிறந்தகல்லூரி என்ற பெருமையை பெற்றுள்ளது.

சிறந்த மருத்துவக் கல்லூரியாக டெல்லி எய்ம்ஸும், சிறந்த சட்டக்கல்லூரியாக பெங்களூருவில் உள்ள தேசிய சட்டப் பல்கலைக்கழகமும் தேர்வாகியுள் ளது.

சிறந்த பல்கலைக்கழகங்களின் பட்டியலில் சென்னை பல்கலைக்கழகம் 18-வது இடத்தைப் பிடித்து தரவரிசைப்பட்டியலில் முன்னேறியுள்ளது. கடந்த ஆண்டு தரவரிசைப் பட்டியலில் சென்னைப் பல்கலைக்கழகம் 41-வது இடத்தில் இருந்தது குறிப்பிடத்தக்கது.

Leave a Reply