கர்நாடக சட்டப் பேரவை தேர்தலில் பாஜக சார்பில் போட்டியிடும் 82 வேட்பாளர்கள் அடங்கிய 2-வது பட்டியலை கட்சி இன்றுவெளியிட்டது.

கர்நாடகா விலுள்ள 224  சட்டப் பேரவைத் தொகுதிகளுக்கு அடுத்தமாதம் 12-ஆம் தேதி ஒரேகட்டமாக தேர்தல்நடைபெற உள்ளது. இந்நிலையில், அங்கு தேர்தல் களம் சூடுபிடிக்கத் தொடங்கியுள்ளது. இதனிடையே, வேட்பாளர்களை தேர்வு செய்வதில் முக்கியகட்சிகள் தீவிரம் காட்டி வருகின்றன.

காங்கிரஸிடமிருந்து ஆட்சி அதிகாரத்தைப் பறிக்கும் முனைப்பிலுள்ள பாஜக, கடந்த 8-ஆம் தேதி 72 வேட்பாளர்கள் அடங்கியபட்டியலை வெளியிட்டது. இதில், அக்கட்சியின் முதல்வர் வேட்பாளராக அறிவிக்கப் பட்டுள்ள பி.எஸ்.எடியூரப்பா, கட்சியின் மூத்த தலைவர்கள் கேஎஸ்.ஈஸ்வரப்பா, ஜெகதீஷ்ஷெட்டர் உள்ளிட்டோரின் பெயர்கள் இடம் பெற்றிருந்தன.

இந்நிலையில், 82 வேட்பாளர்கள் அடங்கிய 2-ஆவது பட்டியலை கட்சி இன்று வெளியிட்டது. இத்துடன் சேர்த்து பாஜகசார்பில் போட்டியிடும் 154  வேட்பாளர்களின் பெயர்கள் வெளியாகியுள்ளன. காங்கிரஸ்சார்பில் போட்டியிடும் 218  வேட்பாளர்களின் பட்டியல் நேற்று வெளியானது குறிப்பிடத் தக்கது.

Leave a Reply

Your email address will not be published.

This site uses Akismet to reduce spam. Learn how your comment data is processed.