மத்தியில் மீண்டும் மோடி தலைமையில் பாஜ., ஆட்சி அமைவதையே மக்கள்விரும்புவதாக உள்துறை அமைச்சர் ராஜ்நாத்சிங் கூறியுள்ளார்.

பா.ஜ., ஆட்சி அமைந்து 4 வருடங்கள் நிறைவுபெற்றதை தொடர்ந்து மத்திய உள்துறை அமைச்சர் ராஜ்நாத்சிங் தனியார் டிவிக்கு அளித்த பேட்டியில் அவர் கூறியதாவது:
 

மக்களிடம் விளக்கும் வகையில் பலசாதனைகள் செய்துள்ளோம். மோடி முன்னேற்றத்தை முன்வைத்தே ஆட்சி செய்து வருகிறார். உலக அளவில் பொருளாதாரத்தில் பெரும் முன்னேற்றம் கண்டுள்ளோம். இதுவே பெரிய சாதனை. நடப்பு பற்றாக் குறை கணக்கு சரியான நிலையில் இருக்கிறது. பயங்கரவாதம் முறியடிக்கப் பட்டுள்ளது.

உலகின் முதல் 5 பெரிய பொருளாதார நாடுகள்பட்டியலில், இந்தியா விரைவில் இடம் பிடிக்கும். பொருளாதார வளர்ச்சியே எங்களது மிகப் பெரிய சாதனை . நிதி பற்றாக் குறையை மத்திய அரசு குறைத்துள்ளது. உலகில் மிகப் பெரிய சுகாதார திட்டத்தை செயல்படுத்த உள்ளோம்.

மத்தியில் மீண்டும் மோடி அரசு அமைவதையே மக்கள் விரும்புகின்றனர். அனைத்து எதிர்க் கட்சிகளும் ஒன்று சேர்ந்தாலும், அது எங்களுக்கு பெரும் சவாலாக இருக்காது. வரும் 2019 தேர்தலில் வெற்றிபெறுவோம் என்ற நம்பிக்கை உள்ளது. அடுத்ததேர்தலில் வெற்றி பெறுவோம் . காஷ்மீரில் பயங்கரவாதம், பிரிவினைவாதம் முடிவுக்கு வரவேண்டும். ஹூரியத் அமைப்புடன் பேச்சு நடத்த தயாராக உள்ளோம். கர்நாடகாவில் எந்த எம்எல்ஏ.,வையும் நாங்கள் விலைக்கு வாங்க முயற்சிக்கவில்லை இவ்வாறு ராஜ்நாத் சிங் கூறினார்.

Leave a Reply

Your email address will not be published.

This site uses Akismet to reduce spam. Learn how your comment data is processed.