லோக்பால் மசோதாவை நிறை வேற்ற_வேண்டும் என வலியுறுத்தி அண்ணா ஹசாரே தலைமையில் ஞாயிற்றுகிழமை ஒரு நாள் அடையாள உண்ணாவிரதபோராட்டம் தில்லியில் நடைபெற்றது

முன்னதாக இது குறித்து ஹசாரே செய்தியாளர்களிடம் தெரிவித்ததாவது;

வலுவான லோக்பால்_மசோதா நிறைவேறுவதை காங்கிரஸ் பொதுசெயலாளர் ராகுல்காந்தி தடுப்பதாக குற்றம்சாட்டினார் மத்திய அரசும், நாடாளுமன்ற நிலைகுழுவும் நாட்டில் இருக்கும் அனைவரையும் ஏமாற்றி உள்ளன. முன்னதாக மூன்று அம்சங்களும் லோக்பால்_மசோதாவில் இடம் பெறும் என பிரதமர் எனக்கு எழுத்துபூர்வமாக கடிதம் எழுதியிருந்தார். ஆனால், பிரதமருக்கும் மேலாக சக்திவாய்ந்தவர் ஒருவர் வலுவான மசோதாவை கொண்டுவருவதில் தடையை ஏற்படுத்தியுள்ளார்.

அபிஷேக் சிங்வி பதவி, பிரதமரைவிட உயர்ந்ததா? எனவே, இதற்கு காரணமாக காங்கிரஸ் பொதுசெயலாளர் ராகுல்காந்தி இருப்பார் என நாங்கள் சந்தேகபடுகிறோம். அவரை தவிர வேறுயாருக்கு பிரதமரை எதிர்க்கும் துணிச்சல் இருக்கிறது .

இந்த ஒருநாள் உண்ணாவிரத போராட்டத்துக்கு பிறகு , டிசம்பர் 27ம் தேதியில் இருந்து ஊழலுக்கு எதிரான போராட்டதை நடத்தஉள்ளேன். அதைதொடர்ந்து, மக்களவை தேர்தல் நடை வரை அடுத்த இரண்டு ஆண்டுகளுக்கு நாடுமுழுவதும் சென்று மக்களிடையே விழிப்புணர்வு பிரசாரத்தில் ஈடுபட இருக்கிறோம் என்று தெரிவித்தார் .

Leave a Reply