உள்நாட்டில் கப்பல் பழுதுபார்க்கும் துறையில், 2,700 கோடி ரூபாய் அளவிற்கு வர்த்தகவாய்ப்புகள் உள்ளது என, மத்திய கப்பல் போக்கு வரத்து துறை இணை அமைச்சர் பொன்.ராதாகிருஷ்ணன், பார்லிமென்டில் தெரிவித்துள்ளார்.

இது குறித்து அவர் மேலும் கூறியதாவது: இந்தியாவில் கப்பல் பழுதுபார்க்கும் துறையில், 2,700 கோடி ரூபாய் அளவிற்கு தொழில்வாய்ப்புகள் இருந்த போதிலும், பல்வேறு சிக்கல்களால் அத்துறையின் விற்று முதல் படிப்படியாக சரிவடைந்து வருகிறது.உள்கட்டமைப்பு அந்தஸ்தில், கப்பல் பழுபார்க்கும் துறை இல்லாத காரணத்தால், குறைந்தவட்டி மற்றும் நீண்டகால அடிப்படையில் நிதி உதவிபெறுவதில், அத்துறை நிறுவனங்கள் பல்வேறு இன்னல்களை சந்தித்துவருகின்றன.

எனவே, மத்திய அரசு, இத்துறையின் வளர்ச்சியை ஊக்குவிக்க தேவையான பல்வேறு நடவடிக் கைகளை மேற்கொண்டுள்ளது. இத்துறையில் நிறுவனங்கள் எளிதாக வர்த்தகம்புரிய ஏதுவாக, இயக்குனர் ஜெனரல் (கப்பல்) அமைப்பில் பதிவுசெய்வதிலிருந்து விலக்களிக்கப்பட்டு உள்ளது.

மேலும், அயல் நாட்டு கப்பல் பழுதுபார்க்கும் செலவை குறைக்கும் நோக்கில், அதற்கான சேவை வரியில் இருந்தும் விலக்களிக்கப் பட்டுள்ளது. இவ்வாறு, அவர் கூறினார்.

Leave a Reply