பெட்ரோல் விலை உயர்வினால் மத்திய அரசுக்கு இரட்டை வருவாய் கிடைகிறது , வரலாறு காணாத அளவுக்கு டாலருக்கு நிகரான ரூபாய மதிப்பு ரூ.56 ஆக சரிந்திருக்கிறது என்று பா.ஜ.க தேசிய செயலர் முரளிதர ராவ் குற்றம்சாட்டியுள்ளார் .

இது குறித்து செய்தியாளர்களிடம் கூறியதாவது: ஐக்கிய முற்போக்கு கூட்டணி அரசின் தவறான கொள்கையால் நாட்டின் பொருளாதாரம் முற்றிலும் முடக்கப்பட்டுள்ளது . முக்கிய துறைகள் அனைத்து வீழ்ச்சியை சந்தித்து வருகின்றன. பெட்ரோலிய மற்றும் நவீன தொழில்நுட்பங்களை அதிகமாக இறக்குமதி_செய்வதால் நாட்டின் பொருளாதாரம் வீழ்ச்சியடைகிறது. இதனால் நம் நாட்டுக்கு வரவேண்டிய அந்நிய முதலீடு மற்ற நாடுகளுக்கு சென்றுகொண்டிருக்கின்றன.

ஆசிய நாடுகளில் பெட்ரோலின் விலை மிகக்குறைவாக இருக்கும் போது இங்குமட்டும் தொடர்ந்து உயர்த்தபட்டு வருகிறது..ஏழை, நடுத்தர மக்களின் நலனை கருத்தில்கொண்டு பெட்ரோல் விலை உயர்வை மத்திய அரசு முழுமையாக திரும்ப பெறவேண்டும். இதனை வலியுறுத்தி மே 31ம் தேதி பாரத் பந்த்துக்கு தேசிய ஜனநாயக கூட்டணி அழைப்பு விடுத்திருக்கிறது . இந்த பாரத் பந்த்துக்கு அனைத்து அமைப்புகளும், பொதுமக்களும் ஆதரவு தரவேண்டும் என்றார்.

Tags:

Leave a Reply