நரேந்திரமோடி போட்டியிடும் வாரணாசி உள்ளிட்ட 41 தொகுதிகளில், 9வது கட்ட தேர்தலுக்கான பிரசாரம் நேற்று மாலையுடன் ஓய்ந்தது.

வாரணாசி உள்பட உத்தர பிரதேசத்தில் 18, மேற்கு வங்கத்தில் 17, பீகாரில் 6 என மொத்தம் 41 தொகுதிகளில் 9-வது மற்றும் கடைசிகட்டமாக நாளை வாக்குப்பதிவு நடைபெறுகிறது. இதையடுத்து, அந்ததொகுதிகளில் நடந்து வந்த அனல் பறக்கும் பிரசாரம், நேற்று மாலை 5 மணியுடன் நிறைவடைந்தது.

41 தொகுதிகளிலும் மொத்தம் 606 வேட்பாளர்கள் களத்தில் உள்ளனர் . தேர்தல் பிரசாரம் ஓய்ந்ததால் தொகுதியை அல்லாதவர்கள் தொகுதியைவிட்டு வெளியேற உத்தரவிடப்பட்டுள்ளது. இதனால் அனைவரும் வெளியேறினார்கள். தேர்தலை அமைதியாகவும், சுமூகமாகவும் நடத்துவதற்காக பாதுகாப்பு ஏற்பாடுகள் பலப்படுத்தப் பட்டுள்ளன.

வாரணாசி தொகுதியில்மட்டும் 20 ஆயிரம் துணை நிலை ராணுவத்தினர் குவிக்கப்பட்டுள்ளனர். இந்த 41 தொகுதிகளுக்கும் இன்றிரவு முதல் நாளை முழுவதும் பூத் சிலிப்கொடுக்கும் பணி நடைபெறும். 12-ந்தேதி காலை 7 மணி முதல் 5 மணிவரை ஓட்டுப்பதிவு நடைபெறும். 6மணிக்கு மேல் மின்னணு வாக்குப் பதிவு இயந்திரங்கள் மூடி சீல்வைக்கப்பட்டு பாதுகாக்கப்படும். மொத்தமுள்ள 543 தொகுதிகளுக்கும் 9 கட்டங்களாக நடைபெற்றதேர்தலின் முடிவுகள் மே 16ம்தேதி அறிவிக்கப்படும். அன்றுகாலை வாக்கு எண்ணிக்கை தொடங்கும். மதியத்துக்குள் பெரும்பாலான தொகுதிகளுக்கான வெற்றி நிலவரம் தெரியவரும்.

Leave a Reply