குஜராத் கலவரவழக்கில் தொடர்புடைய பத்து பேருக்கு தூக்குதண்டனை விதிக்கக்கோரி மனு குஜராத் கலவரவழக்கில் சிறைத்தண்டனை விதிக்கப்பட்ட பாஜக. முன்னாள் அமைச்சர் மாயாகோட்னானி உள்ளிட்ட பத்து பேருக்கு தூக்குதண்டனை விதிக்கக்கோரி மனுத்தாக்கல் செய்ய நரேந்திரமோடி அரசு முடிவு செய்துள்ளது .

குஜராத்தில் கோத்ரா ரயில்_எரிக்கப்பட்ட மறுநாள் 2002ம் ஆண்டு பிப்ரவரி 28ம் தேதி நரோடாபாட்டியா எனும் இடத்தில் மிகப்பெரிய வன்முறை வெடித்தது. இதில் சிறுபான்மையினர் பலர் கொல்லப்பட்டனர். இதுதொடர்பான வழக்கில் மாயா கோட்னானி, பாபு பஜ்ரங்கி உள்ளிட்ட பலர் கைதுசெய்யப்பட்டு சிறையில் அடைக்கப்பட்டனர்.

இந்தவழக்கில் மொத்தம் 70பேர் மீது குற்றம் சுமத்தப்பட்டது. வழக்கை விசாரித்த நீதிமன்றம், சென்ற ஆண்டு ஆகஸ்ட் மாதம் கோட்னானி, பஜ்ரங்கி உட்பட 32பேரை குற்றவாளிகள் என்று தீர்ப்பளித்தது.

இதில் கோட்னானிக்கு 28 வருட சிறைத் தண்டனை விதிக்கப்பட்டது. பஜ்ரங்கிக்கு ஆயுட்கால சிறைத்தண்டனை விதிக்கப்பட்டது. மேலும் 8 பேருக்கு 31 ஆண்டு சிறைத்தண்டனை விதிக்கப்பட்டது. 22 பேருக்கு 24 ஆண்டு சிறைத்தண்டனை விதிக்கப்பட்டது.

இந்நிலையில் குஜராத் மாநில அரசு இந்தவழக்கில் கோட்னானி, பஜ்ரங்கி உட்பட பத்து பேருக்கு விதிக்கப்பட்ட ஆயுட்கால சிறை தண்டனையை தூக்குதண்டனையாக மாற்றக்கோரி ஆளும் நரேந்திரமோடி அரசு முறையீடுசெய்ய முடிவு செய்திருக்கிறது. இதற்காக மாநில அரசு, 3 நபர் சட்டவல்லுநர் குழுவை அமைத்துள்ளது.

விசாரணை நீதிமன்றத்தின் தீர்ப்பைஎதிர்த்து 10 பேருக்கு தூக்குதண்டனை விதிக்கக்கோரி குஜராத் அரசு சார்பில் நேற்று ஐகோர்ட்டில் மேல் முறையீட்டு மனு தாக்கல்செய்யப்பட்டது. சீக்கிய கலவரம் நடந்து 30 பது வருடம் ஆகிறது இன்னும் குற்றவாளி யார் என்றே கண்டுபிடிக்கவில்லை , ஆனால் குஜராத் கலவரம் நடந்து பத்து வருடத்திலேயே குற்றவாளிகளை தண்டித்து மேல்முரையிடும் செய்துள்ளது நரேந்திர மோடி அரசு .

Leave a Reply

Your email address will not be published.

This site uses Akismet to reduce spam. Learn how your comment data is processed.