அரசியல் சட்டகடமைகளை நிறைவேற்ற காங்கிரஸ் தவறிவிட்டது. கடந்த, 60 ஆண்டுகளாக, நாட்டை அழித்து விட்டது.,” என்று பாஜக.,வின் பிரதமர் வேட்பாளர், நரேந்திரமோடி கூறினார்.

ராஜஸ்தான் மாநிலத்தில், பா.ஜ.க., தேர்தல்பிரசார கூட்டம், சிகாரில் நேற்று நடந்தது. அதில், அக்கட்சியின் பிரதமர்வேட்பாளரும், குஜராத் முதல்வருமான, நரேந்திரமோடி பேசியதாவது: இங்கு பிரசாரம் செய்துள்ள, காங்கிரஸ் தலைவர், சோனியா காந்தி ஏழைகளுக்காக சட்டம் இயற்றப்பட்டிருப்பதாக கூறியுள்ளார்; ஆனால், அவை அமல்படுத்தப்படவில்லை. அரசியல் சட்டத்தை, சட்டமேதை அம்பேத்கர் உருவாக்கினார். ஏழைகளை மேம்படுத்த, அவர்களை படிப்பறிவு பெறச்செய்ய வேண்டும் என்பதுதான் நோக்கம்.

ஆனால், காங்கிரஸ் கட்சி, அரசியல் சட்டகடமைகளையும், பொறுப்புகளையும் நிறைவேற்ற தவறி விட்டது. கடந்த, 60 ஆண்டுகளாக, நாட்டை அழித்து விட்டது. உச்சநீதிமன்றம் சொல்லியும், மத்திய அரசு கேட்கவில்லை. ஆயிரக் கணக்கான டன் கோதுமை, ரயில் நிலையங்களில் வீணாககிடக்கிறது. பசியால்வாடும் ஏழைகளுக்கு அதை கொடுப்பதில்லை. ஆனால், ஒயின் தயாரிப்பாளர்களுக்கு, கிலோ, 80 காசுகளுக்கு அது கொடுக்கப்படுகிறது. இவ்வாறு, மோடி பேசினார்.

Leave a Reply