”ஹர ஹர மோடி என்று கூறுவதில் தவறேதும் இல்லை. கட்சியினர் அனைவரும், அந்தமந்திரத்தை தொடர்ந்து சொல்லுங்கள்,” என, பாஜக., மூத்த தலைவர்களில் ஒருவரான, முரளிமனோகர் ஜோஷி கூறியுள்ளார் .

பாஜக., பிரதமர் வேட்பாளர் நரேந்திரமோடி, கடந்தமாதம், உத்தர பிரதேசத்தின் வாரணாசி நகரில் நடந்த, பாஜக., லோக்சபா தேர்தல்பிரசார கூட்டத்தில் பங்கேற்றார். வாரணாசி தொகுதி, பாஜக., – எம்பி.,யான முரளி மனோகர் ஜோஷியும், அந்தகூட்டத்தில் பங்கேற்றிருந்தார். கூட்டத்தினர், மோடியை உற்சாகப் படுத்தும் வகையில், ‘ஹர ஹர மோடி’ என, மோடியைவாழ்த்தி கோஷம் எழுப்பினர்.

இதை, அம்மாநில ஆளும்கட்சியான, சமாஜ்வாதி கண்டித்தது. ‘ஹர ஹர என்பது, இந்து கடவுள்களை புகழும்வார்த்தை; அதை, மோடிக்கு பயன் படுத்துவது, இந்துக்களை இழிவுபடுத்தும் செயல்’ என்று , அக்கட்சி முதலைக்கண்ணீர் வடித்திருந்தது.

இந்நிலையில் இதற்கு பதிலளித்து, முரளி மனோகர்ஜோஷி கூறியதாவது: மோடியை புகழ்ந்து, ஹர ஹர மோடி என, கோஷம் எழுப்பியதில் தவறு இல்லை. அந்தமந்திரத்தை, தொடர்ந்து உச்சரிக்கலாம். தேவைப் பட்டால், ‘ஹர ஹர மோடி; ஜெய ஜெய ஜோஷி’ எனவும் கோஷமிடலாம். நான் மத்தியமனிதவள மேம்பாட்டுத்துறை அமைச்சராக இருந்த போதுதான், ‘சர்வ சிக் ஷா அபியான்’ திட்டம் கொண்டுவரப்பட்டது. மன்மோகன்சிங், 10 ஆண்டுகள் பிரதமராக இருந்து உள்ளார். கல்வித்துறைக்கு அவர், என்ன திட்டத்தை அறிமுகம் செய்தார் என்பதை சொல்வாரா? என்று கேள்வி எழுப்பினார்.

Leave a Reply