மாநிலங்களவை தேர்தலுக்கான பாஜக.,வின் வேட்பாளர்கள் அறிவிக்கப்பட்டுள்ளனர். நாடுமுழுவதும் காலியாக உள்ள 55 மாநிலங்களவை உறுப்பினர்களுக்கான தேர்தல் அடுத்தமாதம் 7-ம்தேதி நடக்கிறது. இதில் மாநிலங்களில் உள்ள சட்ட மன்ற உறுப்பினர்களின் அடிப்படையில் பா.ஜ.க 13 இடங்களைப்பெறும்.

இந்நிலையில், கட்சியின் தேசிய தலைவர் ராஜ்நாத்சிங் தலைமையில் நடைபெற்ற மத்திய தேர்தல் கமிட்டி கூட்டத்தில், முன்னாள் மத்திய அமைச்சர் சி.பி.தாக்கூர், சத்திய நாராயணன் ஜாட்டியா மற்றும் விஜய்கோயல் உள்ளிட்ட 7 பேர் வேட்பாளர்களாக தேர்வுசெய்யப்பட்டு அறிவிக்கப்பட்டனர்.

விஜய் கோயல் ராஜஸ்தானிலும், கட்சியின் துணைத் தலைவரான சி.பி.தாக்கூர் பீகாரிலும், சத்திய நாராயணன் ஜாட்டியா மத்திய பிரதேசத்திலும் போட்டியிடுகின்றனர். மத்திய பிரதேசத்தில் மாநில துணைத் தலைவர் பிரபாத்ஜா, பீகாரில் ஆர்.கே.சிங், ராஜஸ்தானில் ராம்நரைன் துடி, நாராயண் பஞ்சாரியா ஆகியோரும் வேட்பாளர்களாக அறிவிக்கப்பட்டுள்ளனர்.

இந்தவேட்பாளர்கள் தவிர, குஜராத், சத்தீஸ்கர் மற்றும் மகாராஷ்டிர மாநிலங்களில் போட்டியிடும் பா.ஜ.க வேட்பாளர்கள் குறித்து அந்தந்த மாநில தலைவர்கள் மற்றும் பொறுப்பாளர்களுடன் தேர்தல்கமிட்டி ஆலோசனை நடத்திவருகிறது. இன்னும் ஓரிருநாளில் வேட்பாளர்கள் அறிவிக்கப்படுவார்கள்.

Leave a Reply