ஷாங்காய் நகரம் மக்கள் பெருக்கத்தினால் பிதுங்கிவழிந்தது, எங்கு பார்த்தாலும் டிராபிக் ஜாம் -ஆராய்ந்து பார்த்த சீன அரசு கண்டுபிடித்தது –

பிழைப்புக்காக பல கிலோ மீட்டர் தூரத்திலிருந்து வரும் மக்கள் அங்கேயே தங்கிவிடுவதால் ஏற்படும் மக்கள் நெருக்கம் என்று -அந்த நகரிலிருந்து அனைத்து ஊர்களுக்கும் அதிவிரைவு புல்லட் ரயில்களை அறிமுகப்படுத்தியது –

ஒருமணி நேரத்தில் 300 கி.மீ-க்கு அப்பால் உள்ளவர்கள் கூட ஷாங்காய் வந்து வேலைகளை முடித்துக் கொண்டு திரும்பி விட வேண்டும் -பெருமளவில் நகரத்தில் நெரிசல் குறைந்தது -இன்றைக்கு சென்னையிலும் அதே நிலைமை தான் –

காரில் ஒரு மணி நேரத்தில் அதிகபட்சமாக 15 கி.மீ தான் பயணிக்க முடியும் – நெரிசலில் வெந்து, நொந்து போய்விட வேண்டும் – மேலும், இந்தத் திராவிட ஆட்சியாளர்கள் சென்னை மட்டுமே மொத்த தமிழகம் என்பது போல எண்ணியிருந்ததன் விளைவு இது –

இன்று, சிங்கப்பெருமாள் கோவிலிருந்து ஸ்ரீபெரும்புதூர் வரை இரண்டு புறமும் இடைவிடாமல் தொழிற்ச்சாலைகள் – இவைகளில் பணிபுரிபவர்கள் பெரும்பாலும் தென் மாவட்ட மக்கள், சேலம், வேலூர், திருச்சி போன்ற இடங்களிலிருந்தும் பலர் இங்கு பணிபுரிகிறார்கள், _

மேலும், சென்னைக்கு தேவையான வாழை இலையிலிருந்து, பூக்கள், காய்கறிகள் போன்ற விரைவில் அழுகும் பொருட்கள் அனைத்தும் சில நூறு கிலோ மீட்டர்களுக்கு அப்பால் இருந்துதான் வருகின்றன- இவற்றை குறிப்பிட்ட நேரத்தில் கொண்டு சேர்ப்பதற்காக படுவேகமாக வாகனங்களை இயக்கி விபத்தில் சிக்கும் கொடுமைகளும் நடக்கின்றன –

இப்படிப்பட்ட சூழ்நிலையில் சேலம் – சென்னை எட்டு வழிச்சாலைத் திட்டமெல்லாம் போதவே போதாது -சென்னையிலிருந்து அனைத்து பெரிய நகரங்களுக்கும் இது போன்ற திட்டங்கள் தேவை –

மேலும், மணிக்கு 300 கி.மீட்டருக்கு மேல் செல்லும் புல்லட் ட்ரெயின் திட்டங்களையும் செயல் படுத்தினால், தலைநகர நெரிசல் குறைவதுடன் –
மற்ற நகரங்களிலும் புதிய தொழிற்சாலைகளை அமைக்க தொழில் முனைவோர் முன்வருவார்கள் –

மதுரையில் இருந்து காலை நான்கு மணிக்கு மல்லிகைப்பூ இட்லியுடன் கெட்டிச்சட்னி சிங்கப்பூருக்குப் பறக்கிறது என்பது எத்துனை பேருக்குத் தெரியும்?-

இன்றைக்கு தமிழகத்தில் மாதம் முப்போகம் விளையும் ஒரே மாவட்டம் தேனி மாவட்டம் -வைகை நதியால் அல்ல – பென்னி குக் கட்டிய முல்லைப் பெரியாறு(அந்த பெரியார் பெயர் அல்ல) அனையால் –

அதே போல் நூறு வருடங்களுக்கு முன்பே, தேனியிலிருந்து மலைப்பாதை வழியாக மூணாருக்கு இரயில் தண்டவாளம் போடப்பட்டிருந்தது என்பது மிகவும் முக்கியம் -இன்று, தமிழகத்திலேயே இருப்புப் பாதை இல்லாத ஒரே மாவட்டம் தேனி – இது தான், 70 வருட , காங்கிரஸ், திராவிட ஆட்சியாளர்களின் சாதனை –

நூறு வருடங்களுக்கு முன் வெள்ளையன் அமைத்த இருப்புப் பாதைகளையே இப்பொழுதுதான் நாம் இரட்டை வழிப் பாதைகளாக மாற்றி வருகிறோம் –

என்னைப் பொருத்தவரையில் நம் நாடு வளர வேண்டும் -அதற்கு உள் கட்டமைப்பு வசதிகள் பெருக வேண்டும் – அதன் மூலம், தொழிற்சாலைகள் பெருக வேண்டும் –
மக்கள், விரைவாகவும், பாதுகாப்பாகவும் நினைத்த ஊர்களுக்குச் சென்று வர வேண்டும் –

ஜாக்குவார், BMW, Benz போன்ற அதிவிரைவு சொகுசு வாகனங்களில் செல்லும் பணக்காரர்களுக்கு இனையாக -அரசுப் பேருந்துகளில் செல்லும் எங்கள் அப்பத்தாக்களும் விரைவாக பயணிக்க வேண்டும் –

மேலும், தமிழக அரசு தனியாருடன் கூட்டுச் சேர்த்து -சென்னையிலிருந்து கோவை, திருச்சி, தஞ்சை, சேலம், பாண்டிச்சேரி, கடலூர், மதுரை போன்ற நகரங்களுக்கு புல்லட் ரயில் சேவையைத் துவங்கவேண்டும் –

GST வந்ததிற்குப் பிறகு மாநில எல்லைகளில் இருந்த சுங்கச்சாவடிகளைத் தூக்கியதால் -சரக்கு வாகனங்களின் பயண நேரம் பாதியாகக் குறைந்திருக்கிறது –
உதாரணமாக முன்பு காஷ்மீரிலிருந்து ஆப்பிள் ஏற்றிய லாரி வந்துசேர ஒரு மாதமாகும்- இன்று 15 நாட்களில் வருகிறது -இதனால் 15 நாட்களுக்கான மக்கள் உழைப்பும், டீசல் செலவும் மிச்சப்படுவது கண்கூடு –

இதே போன்று சாலை வசதிகள் பெருகினால்தான் இன்னும் விரைவாக பொருட்கள் வந்து சேரும் – மேலும், வாகனங்களின் தேய்மானமும் எரிபொருள் தேவையும் பெரிதும் குறையும் –

எட்டு வழிச்சாலையை எதிர்க்கும் எதிர்க்கட்சித் தலைவர் சுடாலின் அவர்கள் –
இன்று வரை பெருமையாகப் பீத்திக் கொள்வது நான் மேயராக இருந்த பொழுது சென்னையில் பத்து மேம்பாலங்கள் கட்டினேன் என்பது –

சீமான், போன்ற ஐந்தறிவு ஜீவன்கள் அப்பத்தாவின் கடலை முட்டாய்க்கு வரியா என்று மீம்ஸ்களை படித்துவிட்டு பொது மேடைகளில் உளரும் முட்டாள்கள் கூட வளர்ச்சித் திட்டங்களை எதிர்க்கிறார்கள் –

நான், தமிழக மக்களிடம் வேண்டுவதெல்லாம் ஒன்றே ஒன்றுதான் – 70 ஆண்டுகளாக உங்களை ஏமாற்றிய கட்சிகளையெல்லாம் புறக்கணித்து -மூன்று முறை முதல்வராக இருந்தும் ஒரு ஊழல் குற்றச் சாட்டு இல்லாத -நான்கு வருடங்கள் பிரதமராக இருந்து தன் மீதும் தன் அமைச்சரவை சகாக்களின் மீதும் கூட -ஒரே , ஒரு ஊழல் குற்றச்சாட்டு கூட இல்லாத ' -இந்த நாட்டின் வளர்ச்சியை மட்டுமே குறிக்கோளாகக் கொண்டு _ திட்டங்களை செயல்படுத்தி வரும் – திரு. நரேந்திர தாமோதரதாஸ் மோடியைப் பற்றிக் கொள்ளுங்கள் –

பாரதம் உலகின் உண்ணத தேசமாகும் –

என்றும் தேசப்பணியில் –
ந.முத்துராமலிங்கம் –

Leave a Reply