ஆந்திராவில் ஸ்ரீஹரிகோட்டாவில் இருந்து பிஎஸ்எல்வி. சி-23 ராக்கெட் ஜூன் 30ம் தேதி ஏவப்படுகிறது. இதில் பிரதமர் மோடி பங்கேற்கிறார். இதையொட்டி வரும் 29ம் தேதி அவர் சென்னை வருகிறார்.

29-ந் தேதி பகல் 1 மணிக்கு டெல்லியிலிருந்து தனிவிமானத்தில் சென்னை புறப்படும் மோடி, மாலை 3.30 மணிக்கு தனி விமானத்தில் மீனம்பாக்கம் பழையவிமான நிலையம் வந்துசேருகிறார். அங்கு அவருக்கு முக்கிய பிரமுகர்கள் வரவேற்பு தருகின்றனர்.

மாலை 3.45 மணிக்கு பிரதமர் நரேந்திர மோடி தனி ஹெலிகாப்டரில் ஸ்ரீஹரி கோட்டாவுக்கு புறப்பட்டு செல்கிறார். இரவு அங்கேயே தங்குகிறார். 30-ந் தேதி (திங்கட்கிழமை) ஸ்ரீஹரிகோட்டாவில் பிஎஸ்எல்வி. சி-23 ராக்கெட் காலை 9.43 மணிக்கு விண்ணில் ஏவப்படுகிறது. இந்நிகழ்ச்சியில் மோடி பங்கேற்கிறார். பின்னர் காலை 11 மணிக்கு ஹெலிகாப்டரில் சென்னை மீனம்பாக்கம் பழையவிமான நிலையம் வந்து சேருகிறார். பின்னர் விமான நிலையத்தில் பிரதமருக்கு வரவேற்பு தரப்படுகிறது. பின்னர் டெல்லிக்கு வழியனுப்பி வைக்கப்படுகிறார். காலை 11.15 மணிக்கு தனிவிமானத்தில் பிரதமர் நரேந்திர மோடி டெல்லிக்கு புறப்பட்டு செல்கிறார்.

Leave a Reply