மராட்டியத்தில் புதிதாக பதவி ஏற்ற மந்திரி களுக்கு இலாகா ஒதுக்கீடு செய்யப்பட்டுள்ளது. முதல்–மந்திரி தேவேந்திர பட்னாவிஸ் போலீஸ், நகரவளர்ச்சி, வீட்டுவசதி, சுகாதார துறைகளை வைத்துகொண்டார். சுதீர் முங்கண்டிவாருக்கு நிதித் துறை ஒதுக்கப்பட்டு உள்ளது.

மராட்டியத்தில் பா.ஜ.க அரசு கடந்த 31ந் தேதி அமைந்தது. அப்போது தேவேந்திர பட்னாவிஸ் தலைமையில் 10 பேர்கொண்ட மந்திரிசபை பதவி ஏற்றது. ஆனால் புதியமந்திரிகள் யாருக்கும் இலாகா ஒதுக்கப்படாமல் இருந்தது. இந்நிலையில் முதல்மந்திரி தேவேந்திர பட்னாவிஸ் பரிந்துரையை ஏற்று நேற்று கவர்னர் வித்யாசாகர் ராவ் புதியமந்திரிகளுக்கு இலாகா ஒதுக்கீடுசெய்து உத்தரவிட்டார்.

 

அதன் விவரம் வருமாறு:–
முதல்–மந்திரி

1. முதல்மந்திரி தேவேந்திர பட்னாவிஸ் – போலீஸ், நகரவளர்ச்சி, வீட்டுவசதி, சுகாதாரம்.

2. ஏக்நாத் கட்சே:– வருவாய், சிறுபான்மை யினர் மேம்பாடு, வக்பு, விவசாயம், கால் நடை, பால்வளம், மீன்வளம் மற்றும் கலால் துறை.

3. சுதீர் முங்கண்டிவார்: – நிதி, திட்டம், வனத் துறை.

4. வினோத் தாவ்டே: – பள்ளிக்கல்வி, உயர் கல்வி, தொழில் மற்றும் மருத்துவகல்வி, விளையாட்டு, மராத்தி மொழி மற்றும் கலாசாரம்.

5. பிரகாஷ் மேத்தா:– தொழில் மற்றும் சுரங்கம். பாராளுமன்ற விவகாரம்.

6. சந்திரகாந்த் பாட்டீல்:– கூட்டுறவு, சந்தை, ஜவுளி, பொதுப் பணி.

7. பங்கஜா முண்டே:– கிராமவளர்ச்சி, தண்ணீர் பாதுகாப்பு, பெண்கள் மற்றும் குழந்தைகள் நலம்.

8. விஷ்ணு சவரா:– பழங்குடியினர் மேம்பாடு, சமூகநீதி, சிறப்பு உதவிகள்.
இணை மந்திரிகள்

9. திலீப் காம்பிளே:– பழங்குடியினர் மேம்பாடு, சமூக நீதி, சிறப்பு உதவிகள்.

10. வித்யா தாகூர்:– கிராம வளர்ச்சி, தண்ணீர் பாதுகாப்பு, பெண்கள் மற்றும் குழந்தைகள் நலம்.
பாக்ஸ் கிராம வளர்ச்சி இலாகாவை விரும்பிய பங்கஜா முண்டே.

Leave a Reply

Your email address will not be published.

This site uses Akismet to reduce spam. Learn how your comment data is processed.