மத்திய அமைச்சரவை விரிவாக்கத்திற்கு பிறகு தேசிய நெடுஞ் சாலை மற்றும் கப்பல் போக்குவரத்து துறை இணை அமைச்சராக பொன். ராதாகிருஷ்ணன் திங்கள் கிழமை பொறுப்பேற்று கொண்டார்.

பிரதமர் நரேந்திரமோடி தனது அமைச்சரவையை ஞாயிற்றுக்கிழை விரிவாக்கம் செய்தார். இதை தொடர்ந்து, மத்திய அமைச்சரவையில் புதிதாக 21பேர் சேர்க்கப்பட்டனர். தவிர, அமைச் சரவையில் சில மாற்றங்களும் செய்யப்பட்டன.

அதன்படி, மத்தியகனரக தொழிற்சாலை மற்றும் பொதுத்துறை நிறுவனங்களின் இணை அமைச்சராக பதவிவகித்து வந்த தமிழகத்தை சேர்ந்த பொன். ராதாகிருஷ்ணனுக்கு, தேசியநெடுஞ்சாலை மற்றும் கப்பல் போக்குவரத்து துறை இணை அமைச்சர் பொறுப்பு வழங்கப்பட்டது.

பொன். ராதாகிருஷ்ணன் வகித்துவந்த பதவி ஜித்தேஸ்வராவுக்கு வழங்கப்பட்டது.

இதைதொடர்ந்து , புது தில்லி நாடாளுமன்ற சாலையில் போக்குவரத்து பவனில் உள்ள தேசியநெடுஞ்சாலை மற்றும் கப்பல் போக்குவரத்து அலுவலகத்திற்கு வந்த பொன். ராதாகிருஷ்ணன் தனது பொறுப்பை ஏற்றுக்கொண்டார்.

அப்போது, செய்தியாளர்களிடம் அவர் பேசுகையில் , "சாலை மற்றும் கப்பல் போக்குவரத்து துறை மூலம் தமிழகத்தின் முன்னேற்றத்திற்கு கூடுதல் கவனம் செலுத்தி பாடுபடுவேன். அதற்கான முயற்சிகளையும் தொடர்ந்து மேற்கொள்வேன். அடல்பிகாரி வாஜ்பாய் தலைமையில் மத்தியில் பாஜக ஆட்சி நடைபெற்ற போது நெடுஞ் சாலை மற்றும் கப்பல் போக்குவரத்து துறை மூலம் பலபணிகள் சிறப்பாக மேற்கொள்ளப்பட்டன. அதேபோன்று, பிரதமர் நரேந்திரமோடி தலைமையிலான தற்போதைய அரசும் பல்வேறு மகத்துவமிக்க சாதனைகளை செயல்படுத்தும்' என்றார்.

Leave a Reply