எல்லையில் மீண்டும் சீன ஊடுருவல் தொடர்ந்தால் அது இந்தியாவுடனான நல்லுறவை பாதிக்கும் என மத்திய அமைச்சர் ராஜ்நாத் சிங் எச்சரிக்கை விடுத்துள்ளார்.காஷ்மீரில் லே பகுதியில் பாஜ வேட்பாளர்களை ஆதரித்து பிரசாரம்செய்தார்.

அப்போது அவர் பேசுகையில், காஷ்மீரின் சிறப்பு அந்தஸ்து பிரிவு 370 காரணமாக மேம்பாட்டுதிட்டங்களை நிறைவேற்ற முடியாத நிலை உருவாகி உள்ளது. எனவே மக்கள் பாஜக.,வுக்கு வாக்களிக்க வேண்டும். அப்போது தான் 73வது சட்டதிருத்தத்தை அமல்படுத்த முடியும்.

சீனா சட்ட விரோதமாக அக்சாய் சின் பகுதியில் ஊடுருவியுள்ளது. சீன ராணுவத்தினர் அடிக்கடி இதுபோல ஊடுருவல் நடவடிக்கைகளில் ஈடுபட்டால் இந்தியாவுடனான நல்லுறவு பாதிக்கும். அண்டைநாடுகளுடன் நட்புறவை வளர்க்க வேண்டும் என்றே இந்தியா விரும்புகிறது.

இரண்டு நாடுகளும் எல்லை பிரச்னைகளை தீர்த்துக்கொண்டால் நமது உறவில் புதிய உச்சங்களை எட்டமுடியும். அப்பகுதியில் முன்பு ஊடுருவல்செய்த பாகிஸ்தான் தற்போது அதனை 'பரிசாக' சீனாவுக்கு கொடுத்துவிட்டு சென்றுள்ளது. இந்த விவகாரத்தில் முந்தைய தேசிய மாநாட்டு கட்சி அரசு எந்த நடவடிக்கையும் எடுக்க தவறி விட்டது. அதேபோல் மத்தியில் ஆட்சியில் இருந்த ஐக்கிய முற்போக்கு கூட்டணி அரசும் இதனை பனி பாலைவனமாக்கியதை தவிர வேறு ஒன்றும் செய்யவில்லை. காங்கிரஸ் அரசின் தவறான கொள்கைகளின் காரணமாகவே சீனாவு டனான எல்லை விவகாரம் சுதந்திரம் ஆகி இத்தனை ஆண்டுகள் ஆகியும் தீர்க்கப்படாமல் உள்ளது என்றார்.

Leave a Reply