காவிரி ஆற்றின் குறுக்கே புதிய அணை கட்ட முயற்சிக்கும் கர்நாடக அரசின் நடவடிக்கையைத் தடுத்து நிறுத்த வேண்டும் என்று மத்திய நீர்வளத் துறை அமைச்சர் உமா பாரதியிடம் மத்திய நெடுஞ்சாலை, கப்பல் போக்குவரத்துத் துறை இணையமைச்சர் பொன். ராதாகிருஷ்ணன் மாநில துணை தலைவர் கருப்பு உள்ளிட்டோர் நேரில் வலியுறுத்தினர்.

காவிரி ஆற்றின் குறுக்கே மேகேதாட்டு, ராசிமணல் ஆகிய இடங்களில் சுமார் 48 டிஎம்சி அளவுக்கு நீரைத் தேக்கி வைக்கும் வகையில் இரண்டு அணைகளைக் கட்ட கர்நாடக அரசு திட்டமிட்டுள்ளது. இதற்கான ஆரம்பநிலைப் பணிகளையும் அந்த மாநில அரசு தொடங்கியுள்ளது.

இந்நிலையில், தில்லியில் மத்திய நீர் வளத்துறை அமைச்சர் உமா பாரதியை மத்திய இணையமைச்சர் பொன். ராதாகிருஷ்ணன், காவிரிடெல்டா விவசாயிகளுடன் வியாழக் கிழமை சந்தித்தார்.

அப்போது, "காவிரியின் குறுக்கே அணைகட்ட கர்நாடக அரசுக்கு அனுமதி அளிக்கக்கூடாது. காவிரி நடுவர்மன்றத் தீர்ப்பின் படியும், அதை ஏற்பதாக ஒப்புதல் அளித்த கர்நாடாக அரசின் இசைவின் படியும் காவிரி மேலாண்மை வாரியத்தை அமைக்க நடவடிக்கை எடுக்கவேண்டும்' என்று உமாபாரதியை அவர் கேட்டுக் கொண்டார்.

இதுதொடர்பாக ராதாகிருஷ்ணன் அளித்த மனுவை பெற்றுக்கொண்ட உமா பாரதி, கோரிக்கையைப் பரிசீலித்து உரிய நடவடிக்கை எடுப்பதாக உறுதி அளித்துள்ளார்.

Leave a Reply