https://encrypted-tbn1.gstatic.com/images?q=tbn:ANd9GcSeJODTTp_5YktUZ2_ZppP6C9hkVnKRhUo6xqYNpwXUrQKomoHA தனது ஆதரவாளர்கள், ரசிகர் மன்றத்தினருடன் பா.ஜ.க.,வில் இணைகிறார் முன்னாள் மத்திய அமைச்சரும் நடிகருமான நெப்போலியன்.

திமுக சார்பில் மத்திய அமைச்சராக பதவிவகித்தவரும், பிரபல நடிகருமான நெப்போலி யனிடம் பேசி அவரை பாஜக.,வில் சேர அழைப்புவிடுத்தார் பாஜக தலைவர் அமித்ஷா. திமுக.,விலிருந்து ஒதுங்கியிருக்கும் நெப்போலியனும் இதற்கு சம்மதித்து விட்டார். நாளை காலை 10 மணிக்கு அவர் கமலாலயத்தில் அமித்ஷாவைச் சந்தித்து கட்சியில் இணைகிறார்.

இது குறித்து நெப்போலியன் செய்தியாளரிடம் பேசுகையில், "ஆமாம், நாளை கட்சியில் இணையப் போவது உண்மைதான். என் ரசிகர் மன்ற நிர்வாகிகள், ஆதரவாளர்களுடன் இணைய போகிறேன். இன்று நடக்கும் பொதுக்கூட்டத்தில் தான் சேர அழைத்தார்கள். ஆனால் எனது ரசிகர்மன்றத்தினர் பல்வேறு பகுதியிலிருந்து வந்துசேர கால அவகாசம் தேவை என்பதால் நான் பாஜக தலைவர் அமித்ஷா முன்னிலையில் கமலாலயத்தில் இணைகிறேன்," என்றார். முன்னதாக நேற்று மாலையில் தமிழக பொறுப்பாளர் முரளிதரராவ், மத்திய அமைச்சர் பொன் ராதாகிருஷ்ணன் ஆகியோர் நெப்போலியன் வீட்டுக்கு வந்து அவரைச் சந்தித்து, முறைப்படி கட்சியில்சேர அழைப்பு விடுத்தனர்.

Leave a Reply

Your email address will not be published.

This site uses Akismet to reduce spam. Learn how your comment data is processed.