வருகிற மார்ச் மாதத்திற்குள் 60 லட்சம் உறுப்பினர்களை சேர்த்தால் மராட்டியத்தை போல தமிழகத்திலும் பாஜக. ஆட்சியை கொண்டுவருவேன் என பா.ஜ.க. தேசிய தலைவர் அமித்ஷா உறுதி அளித்தார்.

தமிழகத்தில் 2 நாள் சுற்றுப் பயணம் மேற்கொண்ட பா.ஜ.க. தேசிய தலைவர் அமித்ஷா நேற்று மாலை குரோம்பேட்டையில் நடைபெற்ற தமிழக பாஜக. மாவட்டநிர்வாகிகள் மற்றும் உறுப்பினர் சேர்ப்பு நிர்வாகிகள் ஆலோசனை கூட்டத்தில் கலந்துகொண்டு பேசினார்.

அப்போது அவர் கூறியதாவது:-

நீண்ட நாட்களுக்கு பிறகு பாஜக.விற்கு மக்கள்செல்வாக்கு மிக்க தலைவராக பிரதமர் நரேந்திர மோடி கிடைத்துள்ளார். தமிழகத்தில் இந்தசெல்வாக்கை பயன் படுத்தி பலமான இயக்கமாக பா.ஜ.க.வை மாற்ற வேண்டும். இதற்கு உறுப்பினர் சேர்ப்புபணிகளை தீவிரப்படுத்த வேண்டும். ஒவ்வொரு பூத்திலும் பாஜக. உறுப்பினர்கள் இருக்க வேண்டும்.

உறுப்பினர் சேர்ப்புபணிகளின் போது 'மிஸ்டு கால்' முறையை பயன்படுத்த வேண்டும். அப்போதுதான் உண்மையான உறுப்பினர்களை பதிவுசெய்ய முடியும். ஒரு எஸ்எம்எஸ். மூலம் ஒருமாவட்டத்தில் 1 லட்சம் உறுப்பினர்களை திரட்டி மாநாடு நடத்த முடியும்.

வருகிற மார்ச் மாதத்திற்குள் 60 லட்சம் உறுப்பினர்களை சேர்க்க வேண்டும். அப்படி நீங்கள் 60 லட்சம் உறுப்பினர்களை சேர்த்தால், எப்படி இந்தியாவில் உள்ள அனைத்து சக்திகளையும் திரட்டி மராட்டிய மாநிலத்தில் பா.ஜ.க. ஆட்சியை கொண்டுவந்தேனோ, அதேபோல தமிழகத்திலும் பா.ஜ.க. ஆட்சியை கொண்டு வருவேன்.

2014 பாராளுமன்ற தேர்தலில், எப்படி மேற்கு மற்றும் வடக்கு மாநிலங்களில் பாஜக. வெற்றிபெற்றதோ, அதேபோல வருகிற 2019 தேர்தலில் தெற்கு மற்றும் கிழக்கு மாநிலங்களில் வெற்றிபெற்று ஆட்சி அமைக்க வேண்டும். இதற்கு ஏற்றார்போல தீவிரமாக உறுப்பினர் சேர்ப்பு பணிகளில் நிர்வாகிகள் ஈடுபட வேண்டும் என்று அவர் பேசினார்.

Leave a Reply