பெங்களூருவில் ஏப்.2-ம் தேதி முதல் பாஜக தேசிய செயற்குழு கூட்டம் நடக்க விருக்கிறது. 3 நாள்கள் நடக்கும் கூட்டங்களில் பிரதமர் நரேந்திர மோடி பங்கேற்கவிருக்கிறார்.

பாஜக தேசிய நிர்வாகிகள் குழு கூட்டம் மற்றும் செயற்குழு கூட்டம் பெங்களூருவில் ஏப்.2-ம் தேதி முதல் 3 நாள்கள் நடக்கவிருக்கிறது. பெங்களூரு, அசோக் ஓட்டலில் நடக்க விருக்கும் இந்த கூட்டத்தில் பிரதமர் நரேந்திர மோடி, பாஜக தேசியத் தலைவர் அமித்ஷா, பாஜக ஆளும் மாநிலங்களின் முதல்வர்கள், மாநிலத் தலைவர்கள் உள்ளிட்ட 300-க்கும் மேற்பட்டோர் கலந்துகொள்ளவிருக்கிறார்கள். ஏப்.2-ஆம் தேதி தேசிய நிர்வாகிகள் குழு கூட்டம் நடக்கவிருக்கிறது. ஏப்.3,4 ஆகிய தேதிகளில் தேசிய செயற் குழு கூட்டம் நடக்கிறது. 3 நாள்கள் நடக்கும் கூட்டங்களிலும் பிரதமர் நரேந்திரமோடி, பாஜக., தேசிய தலைவர் அமித்ஷா கலந்து கொள்கிறார்கள். இக்கூட்டத்தில் கலந்து கொள்வதற்காக பிரதமர் நரேந்திர மோடி ஏப்.2-ஆம் தேதியும், அமித்ஷா ஏப்.1-ஆம் தேதியும் பெங்களூருவுக்கு வருகை தருகிறார்கள்.

தென்னிந்தியாவில் கர்நாடகம், தமிழகம், கேரளம், ஆந்திர மாநிலங்களில் கட்சியை பலப்படுத்த திட்டமிட்டுள்ள பாஜக, மத்தியில் ஆட்சிக்கு வந்த பிறகு முதல் முறையாக பெங்களூருவில் தேசிய செயற்குழு கூட்டத்திற்கு ஏற்பாடு செய்யப்பட்டுள்ளது.

Leave a Reply

Your email address will not be published.

This site uses Akismet to reduce spam. Learn how your comment data is processed.