அயோத்தியில் ராமர்கோயில் கட்டுவது குறித்து சரியான நேரத்தில் முடிவெடுக்கப்படும் என பாஜ.,கட்சியின் தேசியத் தலைவர் அமித்ஷா தெரிவித்தார். குஜராத்தின் சூரத்தில் செய்தியாளர்களிடம் பேசிய அமித்ஷா கூறியதாவது:

ராமர் கோயில் விவகாரத்தில் நாங்கள் பின்வாங்க வில்லை. இதுகுறித்து சரியான நேரத்தில் முடிவெடுக்கப்படும். ராமர்கோயில் விவகாரம் தற்போது சுப்ரீம் கோர்ட்டில் உள்ளது. இதில்தீர்ப்பு எப்போது வருகிறதோ அதன்டிப் படையில் முடிவெடுக்கப்படும். நாங்கள் தீர்ப்பை கடை பிடிக்க வேண்டும், அனைவரும் தீர்ப்பை மதிக்கவேண்டும். ராமர் கோயில் கட்டப்படுவது குறித்து அனைத்து கட்சிகளையும் சந்தித்து பேச்சுவார்த்தை நடத்துவதும் ஒருதீர்வாக நாங்கள் ஆலோசனை செய்து வருகிறோம்.

நீதிமன்றத்துக்கு வெளியே தீர்வுகாணும் முடிவும் உள்ளது. காஷ்மீர் விவகாரத்தில் ஒன்றும் செய்யமுடியாத நிலையில் நாங்கள் இல்லை. அரசியல் சாசனம் 370வது பிரிவு ஜம்முகாஷ்மீர் பற்றியது மட்டுமல்ல, அதற்கு பெரும்பான்மை முக்கியம்.லோக் சபாவில் பா.ஜனதாவுக்கு பெரும்பான்மை இருந்தாலும் அரசியல் சாசனச் சட்டத்தில் திருத்தம்கொண்டு வர இது போதாது. இவ்வாறு அமித்ஷா கூறினார்.

Leave a Reply