ரயில்வே துறையில் தனியார்துறை, தன்னிச்சையான ஒழுங்குமுறை ஆணையம் ஆகியவற்றை அனுமதிக்க வேண்டும் உள்ளிட்ட பல்வேறு பரிந்துரைகளை மத்திய அரசுக்கு நிபுணர்குழு பரிந்துரைத்துள்ளது.

ரெயில்வேயை சீரமைப்பது குறித்து சிபாரிசு செய்வதற்காக, பிரதமர் மோடி கடந்த ஆண்டு செப்டம்பர் மாதம் ஓர் உயர்மட்ட வல்லுனர்குழுவை அமைத்தார். 'நிதி ஆயோக்' உறுப்பினர் பிபெக்தெப்ராய் தலைமையில் இக் குழு அமைக்கப்பட்டது. ரெயில்வே வாரியத்திடம் இந்தகுழு தனது 300 பக்க இறுதி அறிக்கையை சமர்ப்பித்துள்ளது. அதில், அதிரடியாக பல்வேறு சீர்திருத்த நடவடிக் கைகளை சிபாரிசு செய்துள்ளது. இதை ரெயில்வே அமைச்சகம் ஆய்வுசெய்து விட்டு, பிரதமர் அலுவலகத்துக்கு அனுப்பிவைக்கும்.அறிக்கையில் கூறப்பட்டு இருப்பதாவது:

சாலை, சிவில் விமான போக்கு வரத்து, தொலைத் தொடர்பு போன்ற பிறதுறைகளுடன் ஒப்பிடுகையில், ரெயில்வே துறையில் தனியார்பங்களிப்பு குறைவாகவே உள்ளது.ரெயில்கள் இயக்கத்தில் தனியாரையும் அனுமதிக்க வேண்டும்.இதற்காக, இந்தியரெயில்வே ஒழுங்குமுறை ஆணையம் என்ற சட்டப் பூர்வ, சுயேச்சையான அமைப்பை உருவாக்க வேண்டும். அதற்கு தனிபட்ஜெட் போடவேண்டும். சரக்கு கட்டணங்களை நிர்ணயித்தல், சர்ச்சைகளுக்கு தீர்வுகாணுதல், தொழில்நுட்ப தரத்தை நிர்ணயித்தல் போன்ற பணிகளை அந்த அமைப்பு செய்யவேண்டும். ரெயில்களை இயக்குவதுதான் இந்திய ரெயில்வேயின் முக்கிய பணியாக இருக்கவேண்டும். அதனால், பள்ளி மற்றும் மருத்துவமனைகள் நடத்துவதை கைவிட வேண்டும்.

மாநிலங்களில் பாதுகாப்பு பணியில் ஈடுபட்டுள்ள ரெயில்வேபோலீசின் ஒட்டுமொத்த செலவையும் அந்தந்த மாநில அரசே ஏற்குமாறு கூறவேண்டும். நாங்கள் சிபாரிசுசெய்த செயல் திட்டத்தை அடுத்த 5 ஆண்டுகளில் அமல் படுத்தினால், ரெயில்வேக்கு என தனிபட்ஜெட் தேவைப்படாது என்பன உள்ளிட்ட மேலும் சில பரிந்துரைகள் அந்த அறிக்கையில் கூறப்பட்டுள்ளது.

Leave a Reply