இந்தியப் பிரதமர் நரேந்திரமோடி தீவிரவாதிகளான தாவூத் இப்ராஹிம், ஹபீஸ்சையத், ஜாகி-உர்-ரஹ்மான் லக்வி ஆகியவர்களை நிச்சயமாக இந்தியா கொண்டுவருவார் என விஸ்வ ஹிந்து பரிஷத் தலைவர் ப்ரவீன் தொகாடியா தெரிவித்துள்ளார்.

அகமாதா பாத்தில் நேற்று பத்திரிக்கையாளர்களை சந்தித்த அவர், " ஆகஸ்ட் 23-ம்தேதி இந்தியா பாகிஸ்தான் இடையே பேச்சுவார்த்தை நடைபெறவுள்ள நிலையில், தாவூத், லக்வி, ஹபீஸ் மூவரையும் நரேந்திரமோடி இந்தியாவிற்கு கொண்டுவருவார் என்று எனக்கு நம்பிக்கை இருக்கிறது. இந்தியா வந்தபின் அவர்கள் டெல்லியில் தூக்கிலிடப் படுவார்கள்." என்றார்.

சமீபத்தில் காஷ்மீரில் நடந்த போராட்டத்தின்போது ஐ.எஸ் தீவிரவாதிகளின் கொடி பறந்த விவகாரம் குறித்து பத்திரிக்கையாளர்கள் கேட்டபோது, " குற்றத்தை முன்கூட்டியே தடுக்கும் வகையில், அவர்களை சுட்டுக் கொல்லவேண்டும். பாகிஸ்தானுக்கு வார்த்தைகளின் மொழி புரியாது. அதற்கு, ஏவுகணைகளின் மொழிதான் புரியும். எனவே அதற்குபுரியும் மொழியிலேயே நாம் அதனுடன் பேசவேண்டும்." என்றார்.

Leave a Reply