சுமார் ரூ.16 ஆயிரம் கோடி மதிப்பில் அமெரிக் காவிடம் ராணுவ ஹெலிகாப்டர்கள் வாங்க மத்திய மந்திரி சபை ஒப்புதல் அளித்துள்ளது.

பிரதமர் நரேந்திரமோடி 7 நாள் பயணமாக அமெரிக்கா, அயர்லாந்து நாடுகளுக்கு இன்று புறப்பட்டார். ஐக்கிய நாடுகள்சபை பொதுக்குழு கூட்டத்தில் பங்கேற்கும் அவர் பின்னர் அமெரிக்க அதிபர் ஒபாமாவை சந்திக்கிறார்.

அப்போது இந்தியா–அமெரிக்கா இடையே பாதுகாப்புதுறையை மேம்படுத்தும் வகையில் முக்கியத்துவம் வாய்ந்த ஒப்பந்தங்கள் கையெழுத்தாக இருக்கின்றன.

பிரதமரின் அமெரிக்கபயணத்துக்கு முன்னதாக டெல்லியில் மத்திய மந்திரி சபை கூட்டம் (பாதுகாப்பு துறை) நேற்று நடந்தது. இந்த கூட்டம் பிரதமர் நரேந்திரமோடி தலைமையில் நடைபெற்றது. மத்திய மந்திரிகள் ராஜ்நாத்சிங், அருண்ஜெட்லி, மனோகர் பாரிக்கர் உள்ளிட்டோர் இதில் பங்கேற்றனர்.

கூட்டத்தில் அமெரிக்காவிடம் இருந்து சுமார் ரூ.16 ஆயிரம்கோடி மதிப்பில் 22 அப்பாச்சி ஹெலிகாப்டர்கள், 15 சினூக் கனரக ஹெலிகாப்டர்கள் வாங்க ஒப்புதல் அளிக்கபட்டது. 2013–ம் ஆண்டு முதல் நிலுவையில் உள்ள இந்ததிட்டத்துக்கு தற்போது மத்திய மந்திரிசபை ஒப்புதல் வழங்கி இருக்கிறது.

நவீனரக போயிங் நிறுவனத்தின் அப்பாச்சி ஹெலிகாப்டர் எந்தவித கால சூழ்நிலையிலும், நள்ளிரவிலும் குறிப்பிட்ட இலக்குகளை தாக்க வல்லது. ஒரு நிமிடத்திற்குள் 128 இலக்குகளை குறிவைத்து இந்த ஹெலிகாப்டர் தாக்கும் வல்லமை கொண்டது.

இந்திய ராணுவத்தில் தற்போது பெரும்பாலும் ரஷிய தயாரிப்பு விமானங்கள், ஹெலிகாப்டர்களே பயன்படுத்தபட்டு வருகின்றன. இந்நிலையில் சர்வதேச நாடுகளுக்கு இணையாக இந்தியபாதுகாப்பு துறையை மேம்படுத்த அமெரிக்காவிடம் இந்த நவீனரக ஹெலி காப்டர்களை வாங்க மத்திய அரசு முடிவு செய்துள்ளது.

மேலும் அமெரிக்காவிடம் இருந்து அதி நவீன ஏவுகணைகள், ராக்கெட்டுகள் உள்ளிட்டவற்றையும் இந்தியா விரைவில் வாங்க உள்ளது குறிப்பிடத்தக்கது.

Leave a Reply

Your email address will not be published.

This site uses Akismet to reduce spam. Learn how your comment data is processed.