ஐ.நா. சபையில் பாகிஸ்தானுக்கு பதிலடிகொடுத்து பேசிய மத்திய வெளியுறவுத் துறை அமைச்சர் சுஷ்மாவிற்கு பாரத பிரதமர் நரேந்திர மோடி பாராட்டு தெரிவித்துள்ளார்.

ஐ.நா. பொதுச் சபை கூட்டத்தில் நேற்று முன்தினம் பேசிய பாகிஸ்தான் பிரதமர் நவாஸ்ஷெரீப், அங்கு காஷ்மீர் பிரச்சினையை எழுப்பினார். அவர்பேசுகையில், பதற்றத்துக்கான காரணத்தை இரு நாடுகளும் கண்டறிந்து அகற்றுவதுடன், மேலும் பதற்றம் ஏற்படாமல் பார்த்துக் கொள்ள வேண்டும். அதற்காக, 4 அம்ச அமைதி திட்டம் ஒன்றை நான் முன் வைக்கிறேன் என்று கூறி, 4 அம்சங்களையும் வெளியிட்டார். இதனையடுத்து ஐநா.சபையில் சுஷ்மா சுவராஜ் பேசுகையில், பாகிஸ்தான் குறிப்பிட்ட 4 அம்ச அமைதி திட்டத்தை நிராகரித்து, தீவிரவாதத்தை மட்டும்விடுங்கள் என்று சரியான பதிலை கொடுத்தார்.

பாகிஸ்தானின் பேச்சுக்கு சுஷ்மா சுவராஜ் நேர்த்தியான பதில்களை, உலகநாட்டு பிரதிநிதிகள் அமர்ந்துஇருந்த அவையில் வெளியிட்டார்.

ஐ.நா.சபையில் பாகிஸ்தானுக்கு தக்க பதிலடி கொடுத்து பேசிய மத்திய வெளியுறவுத் துறை மந்திரி சுஷ்மாவிற்கு பாரத பிரதமர் நரேந்திரமோடி பாராட்டு தெரிவித்து உள்ளார்.

"சுஷ்மா சுவராஜ் ஜி சமுதாயத்தில் மாற்றத்தை கொண்டு வர பெண் குழந்தைகளுக்கு அதிகாரமளித்தல் என்பது முக்கியமானது என்ற உங்களுடய பேச்சை ஏற்றுக்கொள்கின்றேன்."

"மத்திய வெளியுறவுத் துறை மந்திரி சுஷ்மா சுவராஜ் பேச்சில் அனைத்து தரப்பிலும் தீவிரவாதத்தை முடிவுக்கு கொண்டுவர வேண்டிய அவசியத்தையும், உலகத்தை வாழ்வதற்கு அமைதியானதாக மாற்றவேண்டும் என்பதையும் சரியாக வலியுறுத்தியுள்ளார்."

"சுஷ்மா சுவராஜ், ஐ.நா.விற்கு இந்தியாவின் பங்களிப்பை மிகவும் நேர்த்தியாக முன்னிலை படுத்திக் காட்டி உள்ளார் மற்றும் 21-ம் நூற்றாண்டில் ஐ.நா. எப்படி இருக்க வேண்டும் என்பது தொடர்பான இந்தியாவின் பார்வையும் பகிர்ந்து கொண்டுள்ளார்."

சுஷ்மா சுவராஜியிடம் பேசினேன், அவருடைய சிறப்பான பேச்சுக்கு பாராட்டுக்களை தெரிவித்தேன். உலகின் முக்கியபிரச்சினைகள் தொடர்பான சரியான உரையாடலாக இருந்தது, என்று பிரதமர் தனது டுவிட்டரில் தகவல் வெளியிட்டுள்ளார்.

Leave a Reply