இந்தியாவில் சுற்றுப் பயணம் மேற்கொண்டுள்ள ஜெர்மனி பிரதமர் ஏஞ்சலா மெர்க்கெல் நேற்று காலை பெங்களூரு ஆடுகோட்டியில் உள்ள 'நாஸ்காம்' என்னும் மென் பொருள் நிறுவனங்கள் தேசிய கூட்டமைப்பு சார்பில் ஏற்பாடு செய்யபட்டுள்ள வர்த்தக நிகழ்ச்சியில் பிரதமர் மோடியுடன், கலந்துகொண்டார்.

இந்திய மற்றும் ஜெர்மனி பிரதமர்கள் வருவதையொட்டி பெங்களூருவில் பலத்த போலீஸ்பாதுகாப்பு ஏற்பாடுகள் செய்யப் பட்டுள்ளது விழாவில் பிரதமர் நரேந்திர மோடி பேசியதாவது:-

இந்தியாவில் முதலீடுசெய்ய அனைவருக்கும் அழைப்பு விடுக்கிறேன். ஜெர்மனி நாட்டின் தொழில் நுட்பங்களை இந்தியா வரவேற்கிறது. பொருளாதார ரீதியில் இந்தியா ஜெர்மனி இணைந்து செயல்பட பலவாய்ப்புகள் உள்ளன பல நாடுகள் பொருளாதார நெருக்கடியில் சிக்கியுள்ள போது முதலீட்டுக்கு ஏற்ற இடமாக இந்தியா உள்ளது. வணிகசூழலை மேம்படுத்த 15 மாதங்களில் கடுமையாக உழைத்திருக்கிறோம்.

ஜி.எஸ்.டி மசோதாவை அறிமுகப் படுத்தியுள்ளோம். வரும் 2016 ம் ஆண்டுக்குள் நிறைவேற்றிவிடுவோம். சுற்று சூழல் அனுமதி பாதுகாப்பு அனுமதி போன்ற சிக்கலான விஷங்களை எளிதாக்கி யுள்ளோம்.

உற்பத்தி துறையை முடுக்கி விடுவதற்காக மேக் இன் இந்தியா திட்டம் கொண்டுவரப்பட்டது. அந்நிய முதலீடுகள் அதிகரிப்பதற்காக விதிகள் தளர்த்தப் பட்டுள்ளன. தொழில் கட்டமைப்பு துறையில் அனுமதியை மிகவிரைவாக மத்திய அரசு தந்துவருகிறது என்று கூறினார்.

Leave a Reply

Your email address will not be published.

This site uses Akismet to reduce spam. Learn how your comment data is processed.