பிரான்ஸ் நாட்டில் வெங்கய்யா நாயுடுவின் விமான டிக்கெட் ரத்தான தால் கொட்டும்மழையில் 600 கிமீ காரில் பயணம் செய்யவேண்டிய நிலை ஏற்பட்டது. இதற்கு பிரான்ஸ் வருத்தம் தெரிவித்துள்ளது. பிரான்ஸ் நாட்டில் நடை பெறும் போக்குவரத்து தொடர்பான சர்வதேச மாநாட்டில்

கலந்துகொள்ள மத்திய அமைச்சர் வெங்கய்யா நாயுடு பாரீஸ் சென்றுள்ளார். அங்கிருந்து மாநாட்டிற்கு செல்வதற்கான விமானடிக்கெட் திடீரென ரத்து செய்யப்பட்டுவிட்டது. இது குறித்து வெங்கய்யா நாயுடு தனது டுவிட்டரில் கூறுகையில், ஏர்பிரான்ஸ் நிறுவனம் மிகவும் பொறுப்பற்ற முறையில் உறுதிசெய்யப்பட்ட டிக்கெட்டை கடைசி நேரத்தில் ரத்து செய்துவிட்டது.

இதனால் கொட்டும் மழையில் 600 கிமீ தொலைவுக்கு காரில் பயணம்செய்ய வேண்டிய நிலை ஏற்பட்டது. இரவுமுழுவதும் காரில் பயணம்செய்து மாநாடு நடைபெறும் போர்டெக்ஸ் சென்றேன் . அக்டோபர் 5ம் தேதி தொடங்கி 9ம்தேதி வரை இந்த மாநாடு நடைபெறுகிறது. இதையடுத்து பிரான்ஸ் நாட்டு போக்கு வரத்து துறை அமைச்சர் அலெய்ன் விதாலெஸ் தனது டுவிட்டரில் கூறுகையில், வெங்கய்யா நாயுடுவுக்கு ஏற்பட்ட அசௌகரிய த்திற்காக வருத்தம் தெரிவித்துக் கொள்கிறேன். இந்தவிவகாரம் குறித்து விசாரணை நடத்த உத்தரவிடப்பட்டுள்ளது என்றார்.

பிரான்ஸ் சென்ற மத்திய அமைச்சர் வெங்கய்யா நாயுடுவின் விமான டிக்கெட் திடீரென ரத்துசெய்யப்பட்ட சம்பவம் பரபரப்பை ஏற்படுத்தியுள்ளது

Leave a Reply