இந்த வகை அரசியலால், நாட்டில் சமச்சீரற்ற, சமத்துவமின்மை அதிகரித்தது. இது, அரசு மீதான மக்களின் நம்பிக்கையை உடைத்து விட்டது. இந்த நம்பிக்கையை தற்போது நாங்கள் மீட்டெடுத்துள்ளோம். ஓட்டு வங்கி அரசியலில் இருந்து விலகியிருப்பதே பா.ஜ., அரசின் நோக்கம்மக்களின் முன்னேற்றம், மக்களால், மக்களுக்கான முன்னேற்றம் என்பதே புதிய மற்றும் வளர்ந்த இந்தியாவுக்கான தாரக மந்திரம். இதை அடிப்படையாக வைத்து, நாட்டு மக்களின் நலனுக்காக அயராது பணியாற்றி வருகிறோம்.

மத்திய அரசு, முதலீட்டின் வாயிலாக தனித்துவமான வேலைவாய்ப்பையும், வளர்ச்சியின் வாயிலாக கவுரவத்தையும் மக்களுக்கு வழங்கியுள்ளது. பா.ஜ., அரசின் அணுகுமுறை, மக்களுக்காக பெரியளவில் சேமிப்பதும், செலவு செய்வதும் ஆகும்.

அண்டை நாடுகளின் பயங்கரவாதத்தால், சொந்த வீடுகளிலும், நகரங்களிலும் பாதுகாப்பற்ற நிலையில் அச்சத்தோடு மக்கள் இருந்தனர். ஆனால் தற்போது இந்த நிலைமை மாறி விட்டது. சொந்த இடத்திலேயே பயங்கரவாதிகள் பாதுகாப்பாக உணரவில்லை. இந்த நுாற்றாண்டு இந்தியாவின் நுாற்றாண்டாக இருக்கும். வளர்ச்சியின் வேகத்தை நம் நாடு தக்கவைத்துக் கொள்ளும். விரைவில் உலகின் மூன்றாவது பெரிய பொருளாதார நாடாக மாறும்.

இவ்வாறு அவர் பேசினார்.