புத்த மதத் தலைவர் தலாய் லாமாவுக்கு பிரதமர் மோடி பிறந்தநாள் வாழ்த்து தெரிவித்துள்ளார்.

இன்று புத்த மதத் தலைவர் தலாய் லாமாவின் 90வது பிறந்த நாள். தற்போதைய தலாய் லாமாவின் இயற்பெயர் டென்சின் கியாட்ஸோ. திபெத்திய மக்களின் மத நம்பிக்கைப்படி, 600 ஆண்டுகளில் மறுபிறவி எடுத்த, 14வது தலாய் லாமா.

பிரதமர் மோடி வாழ்த்து
இது குறித்து பிரதமர் மோடி சமூக வலைதளத்தில் வெளியிட்டுள்ள அறிக்கையில் கூறியிருப்பதாவது: தலாய் லாமாவின் 90வது பிறந்தநாளை முன்னிட்டு, 140 கோடி இந்தியர்களுடன் சேர்ந்து நானும் அவருக்கு மனமார்ந்த வாழ்த்துக்களைத் தெரிவித்துக் கொள்கிறேன்.

அவர் அன்பு, இரக்கம், பொறுமை மற்றும் ஒழுக்கத்தின் நீடித்த அடையாளமாக இருந்து வருகிறார். அவரது செயல் அனைத்து மதங்களிலும் மரியாதை மற்றும் போற்றுதலைத் தூண்டியுள்ளது. அவரது நல்ல ஆரோக்கியத்திற்கும், நீண்ட ஆயுளுக்கும் நாங்கள் பிரார்த்திக்கிறோம். இவ்வாறு அவர் கூறியுள்ளார்.